മമ്മൂട്ടിയുടെ ബിഗ്ബജറ്റ് ചരിത്ര സിനിമ മാമാങ്കത്തിന്റെ ഗ്രാഫിക്കല് ടീസര് പുറത്ത് വിട്ട് അണിയറപ്രവര്ത്തകര്. ഒരു ആമുഖം എന്ന നിലയിലാണ് ആദ്യ ടീസര് എത്തിയിരിക്കുന്നത്.
ഇന്ത്യന് സിനിമയിലെ ഏറ്റവും വലിയ സെറ്റ് വര്ക്കുകളിലൊന്നാണ് മാമാങ്കത്തിനായി ഒരുങ്ങിയത് എന്നത് ശ്രദ്ധേയമായ കാര്യമാണ്. സാമൂതിരി ഭരണ കാലഘട്ടത്തിലെ ചാവേറുകളുടെയും മാമാങ്കത്തിന്റെയും കഥയാണ് ചിത്രം പറയുന്നത്. ചന്ദ്രോത്ത് പണിക്കര് എന്ന കഥാപാത്രത്തെയാണ് ചിത്രത്തില് ഉണ്ണി മുകുന്ദന് അവതരിപ്പിക്കുന്നത്. കാവ്യ ഫിലിം കമ്പനിയുടെ ബാനറില് പ്രവാസി വ്യവസായിയായ വേണു കുന്നപ്പള്ളിയാണ് മാമാങ്കം നിര്മ്മിക്കുന്നത്.
എം. പത്മകുമാര് സംവിധാനം ചെയ്യുന്ന ചിത്രത്തില് സിദ്ധിഖ്, തരുണ് അറോറ, സുദേവ് നായര്, മണികണ്ഠന്, സുരേഷ് കൃഷ്ണ, മാസ്റ്റര് അച്യുതന് തുടങ്ങിയവരും അഭിനയിക്കുന്നുണ്ട്. പ്രാചി തെഹ്ലാന്, അനു സിത്താര, കനിഹ, ഇനിയ എന്നിവരാണ് ചിത്രത്തിലെ നായികമാര്.