ഫഹദ് ഫാസിലിനെ നായകനാക്കി ദിലീഷ് പോത്തന്‍ ഒരുക്കിയ ചിത്രം “മഹേഷിന്റെ പ്രതികാരം” തെലുങ്കിലേക്ക് റീമേക്ക് ചെയ്യുന്നു. “ഉമാ മഹേശ്വര റാവു” എന്ന് പേരിട്ട ചിത്രത്തില്‍ സത്യ ദേവ് ആണ് ഫഹദ് അവതരിപ്പിച്ച മഹേഷ് ഭാവന എന്ന കഥാപാത്രമായി വേഷമിടുന്നത്.
വെങ്കിടേഷ് മഹ ഒരുക്കുന്ന ചിത്രം “ബാഹുബലി” നിര്‍മ്മിച്ച അര്‍ക മീഡിയ വര്‍ക്‌സ് ആണ് നിര്‍മ്മിക്കുന്നത്. നായകന്റെ സ്റ്റുഡിയോയുടെ പേര് മലയാളത്തില്‍ “ഭാവന സ്റ്റുഡിയോ” എന്നായിരുന്നെങ്കില്‍ “കോമാളി സ്റ്റുഡിയോ” എന്നാണ് തെലുങ്ക് റീമേക്കിലെ പേര്. അരക് വാലിയാണ് ചിത്രത്തിന്റെ ലൊക്കേഷന്‍.
സുഹാസ്, ജബ്ബര്‍ദസ്ത് റാംപ്രസാദ്, ടിഎന്‍ആര്‍, രവീന്ദ്ര വിജയ്, കെ രാഘവന്‍ എന്നിവരാണ് മറ്റ് പ്രധാന താരങ്ങള്‍. ബിജിബാല്‍ സംഗീതമൊരുക്കുന്ന ചിത്രത്തിന്റെ ഛായാഗ്രഹണം നിര്‍വ്വഹിക്കുന്നത് അപ്പു പ്രഭാകര്‍ ആണ്. ഏപ്രില്‍ 17ന് ചിത്രം തിയേറ്ററുകളിലെത്തും.