നടി ഇല്യാന ഡിക്രൂസിന് ആണ്കുഞ്ഞ് പിറന്നു. ശനിയാഴ്ച രാത്രി ഇന്സ്റ്റാഗ്രാമിലൂടെയാണ് തന്റെ പുതിയ വിശേഷം ആരാധകരുമായി പങ്കുവച്ചത്. കോവ ഫീനിക്സ് ഡോളന് എന്നാണ് കുട്ടിക്ക് പേരിട്ടിരിക്കുന്നത്. ഇലിയാന തന്റെ മകന്റെ ഫോട്ടോയും പങ്കുവച്ചിട്ടുണ്ട്.
‘യോദ്ധാവ്’ അല്ലെങ്കില് ‘ധീരന്’ എന്നാണ് അര്ത്ഥമാക്കുന്നത്. ”കോവ ഫീനിക്സ് ഡോളയെ പരിചയപ്പെടുത്തുന്നു. 2023 ആഗസ്റ്റ് 1 നാണ് ജനനം. ഞങ്ങളുടെ പ്രിയപ്പെട്ട ആണ്കുട്ടിയെ ലോകത്തിലേക്ക് സ്വാഗതം ചെയ്യുന്നതില് ഞങ്ങള് എത്ര സന്തോഷത്തിലാണെന്ന് അറിയിക്കാന് എനിക്ക് വാക്കുകളില്ല” എന്നാണ് ഇലിയാന ഇന്സ്റ്റഗ്രാമില് കുറിച്ചിരിക്കുന്നത്.
ഇല്യാനയെ അഭിനന്ദിച്ച് പല പ്രമുഖരും ഈ പോസ്റ്റില് അഭിനന്ദവുമായി എത്തിയിട്ടുണ്ട്. നര്ഗീസ് ഫക്രി എഴുതി, അഥിത ഷെട്ടി, ഹുമ ഖുറേഷി, അര്ജുന് കപൂര്, മരിയ ഗൊറെറ്റി, സോഫി എന്നിവര് അഭിനന്ദനം അറിയിച്ചവരില് പെടുന്നു.
തന്റെ വ്യക്തി ജീവിതത്തെ കുറിച്ച് ഇല്യാന കൂടുതലായി ഒന്നും വെളിപ്പെടുത്തിയിരുന്നില്ല. താന് ഗര്ഭിണിയാണെന്ന് നടി അറിയിച്ചപ്പോള് കുഞ്ഞിന്റെ അച്ഛനാര് എന്ന പേരില് നടിക്കെതിരെ കടുത്ത രീതിയില് സൈബര് ആക്രമണം നടന്നിരുന്നു. അടുത്തിടെയാണ് ഇല്യാന തന്റെ കാമുകന്റെ ചിത്രം ഇന്സ്റ്റാഗ്രാമില് പങ്കുവച്ചത്.