ലേഡീസ് ആന്ഡ് ജെന്റില്മാന് എന്ന ചിത്രത്തിന് ശേഷം മോഹന്ലാലിനെ നായകനാക്കി സിദ്ദിഖ് രചനയും സംവിധാനവും ചെയ്യുന്ന ചിത്രം ബിഗ് ബ്രദര് അണിയറയിലൊരുങ്ങുകയാണ്. 25 കോടി രൂപ മുതല് മുടക്കിലാണ് ചിത്രം ഒരുങ്ങുന്നത്. മൂന്നു നായികമാര് അണിനിരക്കുന്ന ചിത്രത്തില് സല്മാന് ഖാന്റെ സഹോദരന് അര്ബാസ് ഖാനും പ്രധാന വേഷത്തിലെത്തുന്നു.
മോഹന്ലാലിനൊപ്പം അഭിനയിക്കുന്നതിന്റെ ത്രില്ലിലാണ് താനെന്ന് അര്ബാസ് പറയുന്നു. “മോഹന്ലാല് സാറിനും സംവിധായകന് സിദ്ധിഖിനൊപ്പവും ജോലി ചെയ്യാന് പോകുന്നതിന്റെ ത്രില്ലിലാണ് ഞാന്. ഇത് മലയാളം ഫിലിം ഇന്ഡസ്ട്രിയിലെ എന്റെ അരങ്ങേറ്റ ചിത്രമാണ്. ബിഗ് ബ്രദറെന്നാണ് ചിത്രത്തിന്റേ പേര്. ജൂലൈയിലെ ഷൂട്ടിംഗിനായി കാത്തിരിക്കുകയാണ്.” അര്ബാസ് ട്വിറ്ററില് കുറിച്ചു.
ബോളിവുഡില് സംവിധായകനായും നടനായും തിളങ്ങിയ താരമാണ് അര്ബാസ് ഖാന്. സല്മാന് ഖാന്റെ ദബാംഗ് 3 യുടെ തിരക്കുകള്ക്കിടെയാണ് അര്ബാസ് ഖാന് മലയാളത്തിലേക്കും എത്തുന്നത്. ഏപ്രില് മാസം ചിത്രത്തിന്റെ പൂജ കഴിഞ്ഞിരുന്നു. മോഹന്ലാല്-സിദ്ദിഖ് കൂട്ടുകെട്ടില് ഒരുങ്ങുന്ന മൂന്നാമത്തെ ചിത്രമാണ് ഇത്. ഇരുവരും ഒന്നിച്ച വിയറ്റ്നാം കോളനി മലയാള സിനിമകളിലെ ഹിറ്റുകളില് ഒന്നാണ്. ആക്ഷന് കോമഡി വിഭാഗത്തില് ഒരുങ്ങുന്ന ചിത്രമാണ് ബിഗ് ബ്രദര്. സിദ്ദിഖിന്റെ എസ്. പിക്ചേഴ്സ് ആണ് ചിത്രത്തിന്റെ നിര്മ്മാണം. സംഗീതം ദീപക് ദേവ്. ഗാനരചന റഫീഖ് അഹമ്മദ്. ഒക്ടോബറില് ചിത്രം പ്രദര്ശനത്തിന് എത്തിക്കാനാണ് ശ്രമം.