കണ്ണും കണ്ണും കൊള്ളയടിത്താല് എന്ന ചിത്രത്തിന്റെ പ്രമോഷനുവേണ്ടി സണ് ടിവിയുമായി ദുല്ഖര് നടത്തിയ അഭിമുഖത്തിലെ വാക്കുകള് ഏറ്റെടുത്ത് വിജയ് ആരാധകര്. ഏതു തമിഴ് നടന് രാഷ്ട്രീയത്തില് വന്നാല് നന്നായിരിക്കും എന്ന ചോദ്യത്തിന് ദുല്ഖര് നല്കിയ ഉത്തരം ദളപതി വിജയ് രാഷ്ട്രീയത്തില് വന്നാല് സൂപ്പര് ആയിരിക്കുമെന്നാണ്. ഇപ്പോള് തന്നെ അദ്ദേഹത്തിന്റെ പൊളിറ്റിക്കല് ആശയങ്ങള് വളരെ മികച്ചതാണ് എന്നും ദുല്ഖര് സല്മാന് സൂചിപ്പിക്കുന്നു.
അടുത്തിടെ റിലീസ് ചെയ്ത ദളപതി വിജയ് ചിത്രങ്ങളായ മെര്സല്, സര്ക്കാര് എന്നിവയിലെല്ലാം കേന്ദ്ര സര്ക്കാരിന്റെ ചില നയങ്ങളെ വിജയ് കഥാപാത്രങ്ങള് വിമര്ശിക്കുന്ന രംഗങ്ങളുണ്ടായിരുന്നു. വിജയുടെ വീട്ടിലുണ്ടായ ആദായ നികുതി വകുപ്പ് റെയ്ഡ് ഇതിന്റെ പ്രതികാരമായാണെന്ന് ആരാധകര് വിശ്വസിക്കുന്നുണ്ട്.
വിജയ് രാഷ്ട്രീയത്തില് വരണം എന്ന് തനിക്കു ആഗ്രഹമുണ്ടെന്ന സൂചന വിജയ്യുടെ അച്ഛനായ ചന്ദ്രശേഖര് തന്നെ നല്കുകയും തന്റെ മകന് രാഷ്ട്രീയത്തിലിറങ്ങിയാല് പൂര്ണ്ണ പിന്തുണയുമായി കൂടെയുണ്ടാവുമെന്നു അദ്ദേഹം പറയുകയും ചെയ്തിരുന്നു.