പത്ത് ലക്ഷത്തിന് മേല് കാഴ്ചക്കാരുമായി ആകാശഗംഗ 2വിന്റെ ട്രെയിലര്. കഴിഞ്ഞ വെള്ളിയാഴ്ച റിലീസ് ചെയ്ത ട്രെയിലര് അഞ്ച് ദിവസങ്ങള്ക്ക് ശേഷവും യൂട്യൂബ് ട്രെന്ഡിംഗ് ലിസ്റ്റില് തുടരുകയാണ്. ട്രെയിലറിന് ലഭിച്ച ഈ സ്വീകാര്യത ഹൊറര് ചിത്രത്തോടുള്ള പ്രേക്ഷകരുടെ ആകാംക്ഷയേയും ഇഷ്ടത്തെയും സൂചിപ്പിക്കുന്നുവെന്നാണ് സംവിധായകന് വിനയന് ഫെയ്സ്ബുക്കില് കുറിച്ചിരിക്കുന്നത്.
മായയുടെ മകള് ആതിരയുടെ കഥയാണ് ആകാശഗംഗ 2 പറയുന്നത്. എംബിബിഎസിന് പഠിക്കുന്ന ആതിര കൂട്ടുകാരുമൊത്ത് തറവാട്ടിലേക്ക് വരുന്നതും തുടര്ന്നുണ്ടാകുന്ന സംഭവവികാസങ്ങളുമാണ് ചിത്രത്തില്. രണ്ടാം ഭാഗത്തില് ഗംഗയെ റീ ക്രിയേറ്റ് ചെയ്തിട്ടുണ്ട്. ഗ്രാഫിക്സിന്റെ സഹായത്തോടെയാണ് മയൂരി അവതരിപ്പിച്ച ഗംഗ എന്ന കഥാപാത്രത്തെ റീ ക്രിയേറ്റ് ചെയ്തിരിക്കുന്നത്.
നവാസ്, ഇടവേള ബാബു രമ്യാകൃഷ്ണന്, ആരതി, ശ്രീനാഥ് ഭാസി, സലീം കുമാര്, വിഷ്ണു വിനയ്, ഹരീഷ് കണാരന്, പ്രവീണ, ധര്മജന് ബോള്ഗാട്ടി, വിഷ്ണു ഗോവിന്ദ് എന്നിവരാണ് പ്രധാന താരങ്ങള്. നവംബര് ഒന്നിന് ചിത്രം തിയേറ്ററുകളിലെത്തും.