‘ശെയ്ത്താന്’ എന്ന ചിത്രത്തിലൂടെ രണ്ട് പതിറ്റാണ്ടിന് ശേഷമാണ് നടി ജ്യോതിക ബോളിവുഡില് റീ എന്ട്രി നടത്തിയിരിക്കുന്നത്. ശെയ്ത്താന്റെ വന് വിജയത്തെ തുടര്ന്ന് ജ്യോതികയുടെ മറ്റൊരു ബോളിവുഡ് ചിത്രം കൂടി റിലീസിന് ഒരുങ്ങുകയാണ്. ‘ശ്രീകാന്ത്’ എന്ന ചിത്രമാണ് നടിയുടെതായി ഇനി റിലീസിന് ഒരുങ്ങുന്നത്.
എന്നാല് ജ്യോതിക ആദ്യം അഭിനയിച്ചത് ശ്രീകാന്ത് എന്ന സിനിമയിലാണ്. പക്ഷെ ശ്രീകാന്തിന്റെ റിലീസ് വൈകിയതോടെ ശെയ്ത്താന് റിലീസ് ചെയ്യുകയായിരുന്നു. ശ്രീകാന്തില് അഭിനയിക്കാന് ജ്യോതിക ആദ്യം തയാറായിരുന്നില്ല. സൂര്യയുടെ നിര്ബന്ധത്തെ തുടര്ന്നാണ് താരം ഈ ചിത്രത്തില് അഭിനയിക്കാന് തയാറായത്.
സിനിമയുടെ സംവിധായകന് തുഷാര് ഹിരാനന്ദാനി ആണ് ഇക്കാര്യം തുറന്നു പറഞ്ഞിരിക്കുന്നത്. ”ജ്യോതികയുടെ തമിഴ് സിനിമകള് കണ്ടാണ് ചിത്രത്തിലേക്ക് താരത്തെ വിളിക്കുന്നത്. എന്നാല് ആ വേഷം ചെയ്യാന് താല്പര്യമില്ല എന്നാണ് ജ്യോതിക ആദ്യം പറഞ്ഞത്.”
”എന്നാല് അപ്രതീക്ഷിതമായി അടുത്ത ദിവസം ജ്യോതിക തിരിച്ചു വിളിക്കുകയും, അഭിനയിക്കാന് ആഗ്രഹമുണ്ടെന്ന് പറയുകയും ചെയ്തു. സൂര്യയാണ് ജ്യോതികയോട് ആ വേഷം ചെയ്യാന് പറഞ്ഞത്. സ്ക്രിപ്റ്റ് വായിച്ച ശേഷം സൂര്യക്ക് കഥ വളരെ ഇഷ്ടമായെന്നും, ആ ക്യാരക്ടര് വിട്ടുകളയേണ്ടന്ന് സൂര്യ പറയുകയായിരുന്നു.”
”ചര്ച്ചകള്ക്ക് ശേഷം സൂര്യയും ജ്യോതികയും എന്നെ വീട്ടിലേക്ക് ക്ഷണിച്ചു. ഇതിന് ശേഷമാണ് ഔദ്യോഗികമായി ആ വേഷം സ്ഥിരീകരിച്ചത്” എന്നാണ് തുഷാര് ഹിരാനന്ദാനി ന്യൂസ് 18ന് നല്കിയ അഭിമുഖത്തില് പറഞ്ഞിരിക്കുന്നത്. അതേസമയം, രാജ്കുമാര് റാവു പ്രധാന കഥാപാത്രമാകുന്ന ചിത്രം മെയ് 10ന് ആണ് തിയേറ്ററിലെത്തുക.