ബിബിന് ജോര്ജും വിഷ്ണു ഉണ്ണികൃഷ്ണനും ആദ്യമായി തിരക്കഥയും സംവിധാനാവും ചെയ്യുന്ന പുതിയ ചിത്രത്തിന് വേണ്ടിയുള്ള കാസ്റ്റിംഗ് കോള് വീഡിയോ പങ്കുവെച്ച് വിനീത് ശ്രീനിവാസന്. ഇതുവരെ കാണാത്ത തരത്തിലുള്ള കാസ്റ്റിംഗ് കോള് വീഡിയോ ആണ് ഇരുവരും ചേര്ന്ന് നിര്മ്മിച്ചിരിക്കുന്നത്.
എങ്ങനെയുള്ള കഥാപാത്രങ്ങളെ വേണമെന്നും രസകരമായാണ് വീഡിയോയില് പറയുന്നത്. ‘വെടിക്കെട്ട്’ എന്നാണ് ചിത്രത്തിന്റെ പേര്. ബാദുഷ സിനിമാസും പെന് ആന്ഡ് പേപ്പര് ക്രിയേഷന്സും ആണ് ചിത്രത്തിന്റെ നിര്മ്മാണം.
(60 വയസ്സ് കഴിഞ്ഞ) കേരളത്തില് ആദ്യ വാക്സിന് എടുത്ത, തെറിച്ചു നില്ക്കുന്ന അപ്പാപ്പന്മാര് അമ്മാമ്മമാര്, കണ്ടാല് പേടി തോന്നുന്ന, ഏണി, അറുക, കണ്ടാല് ഡാര്ക്ക് ലുക്കുള്ള ഡാവുകള് (കണ്ടാല് പേടി തോന്നാത്തവര്ക്കും വരാം), ടിക് ടോക് നിരോധിച്ചതിനു ശേഷം റീല്സ് വീഡിയോകളിട്ട് വെറുപ്പിക്കുന്ന ചങ്കത്തികള് (കലിപ്പാന്റെ കാന്തരികളാണെങ്കില് കലക്കും), ഓണ്ലൈന് ക്ലാസ്സിലിരുന്ന് ഉഴപ്പുന്ന പുള്ളേങ്ങള് (10 വയസ്സിന് താഴെയുള്ള), തൊഴിലുറപ്പിനു പോകുന്ന ചേച്ചിമാരും, മദ്യം വാങ്ങാന് ക്യൂ നില്ക്കുന്ന മദ്ധ്യവയസ്കരും (40തിനും 50തിനും ഇടയില് പ്രായമുള്ളവര്), എന്നിങ്ങനെ വ്യത്യസ്തമായ രീതിയിലാണ് കാസ്റ്റിംഗ് കോള്.
മാറ്റിനി എന്ന ഒടിടി പ്ലാറ്റ് ഫോം വഴിയാകും അഭിനേതാക്കളെ തിരഞ്ഞെടുക്കുക. ബിബിനും വിഷ്ണുവും തന്നെയാണ് കാസ്റ്റിംഗ് കോള് വീഡിയോയില് അഭിനയിച്ചിരിക്കുന്നത്.