ദീപക് പറമ്പൊലും പ്രയാഗ മാര്ട്ടിനും കേന്ദ്ര കഥാപാത്രങ്ങളാകുന്ന ഷൈജു അന്തിക്കാടിന്റെ “ഭൂമിയിലെ മനോഹര സ്വകാര്യ”ത്തിന്റെ വാലന്റൈന്സ് ഡേ സ്പെഷ്യല് ടീസര് സോഷ്യല് മീഡിയയില് ശ്രദ്ധേയമാകുന്നു. നടന് ഉണ്ണി മുകുന്ദനാണ് ഫെയ്സ്ബുക്ക് പേജിലൂടെ ടീസര് റിലീസ് ചെയ്തിരിക്കുന്നത്.
കാലിക പ്രസക്തിയുള്ള ഒരു പ്രണയകഥ ആധാരമാക്കിയാണ് ചിത്രം ഒരുങ്ങുന്നത്. സംഗീതത്തിനും കുടുംബ ബന്ധങ്ങള്ക്കുമെല്ലാം പ്രാധാന്യം നല്കിയാണ് ചിത്രം ഒരുക്കുന്നത്. ബയോസ്കോപ് ടാകീസിന്റെ ബാനറില് രാജീവ്കുമാര് ആണ് ചിത്രം നിര്മ്മിക്കുന്നത്.
എ ശാന്തകുമാര് തിരക്കഥയും സംഭാഷണവും. ലാല്, ഷൈന് ടോം ചാക്കോ, ഇന്ദ്രന്സ്, സുധീഷ്, അഭിഷേക് രവീന്ദ്രന്, അഞ്ചു അരവിന്ദ്, നിഷ സാരംഗ്, ഹരീഷ് പേരാടി, സന്തോഷ് കീഴാറ്റൂര്, മഞ്ജു എന്നിങ്ങനെ നിരവധി അഭിനേതാക്കള് ചിത്രത്തില് അണിനിരക്കുന്നുണ്ട്. 2020 ഫെബ്രുവരിയില് പുറത്തിറങ്ങാന് ഒരുങ്ങുന്ന ചിത്രം ഇപ്പോള് പോസ്റ്റ് പ്രൊഡക്ഷനില് ആണ്.