ദീപക് പറമ്പോലും പ്രയാഗ മാര്ട്ടിനും കേന്ദ്ര കഥാപാത്രങ്ങളാകുന്ന ഷൈജു അന്തിക്കാട് ചിത്രം “ഭൂമിയിലെ മനോഹര സ്വകാര്യ”ത്തിന്റെ സെന്സറിങ് പൂര്ത്തിയായി. ക്ലീന് യു സര്ട്ടിഫിക്കാറ്റാണ് ചിത്രത്തിന് ലഭിച്ചിരിക്കുന്നത്. മനോഹരമായ പ്രണയകഥ പറയുന്ന ചിത്രം ഫെബ്രുവരി 28ന് തിയേറ്ററുകളിലെത്തും.
വ്യത്യസ്തമായ മത വിശ്വാസങ്ങളുള്ള രണ്ടു പേരുടെ അസാധാരണമായ പ്രണയവും അതുണ്ടാക്കുന്ന സാമൂഹിക പ്രശ്നങ്ങളുമാണ് ചിത്രം പറയുന്നത്. ബയോസ്കോപ് ടാകീസിന്റെ ബാനറില് രാജീവ്കുമാര് ആണ് ചിത്രം നിര്മ്മിക്കുന്നത്. എ ശാന്തകുമാര് തിരക്കഥയും സംഭാഷണവും ഒരുക്കുന്നു.
ലാല്, ഷൈന് ടോം ചാക്കോ, ഇന്ദ്രന്സ്, സുധീഷ്, അഭിഷേക് രവീന്ദ്രന്, അഞ്ചു അരവിന്ദ്, നിഷ സാരംഗ്, ഹരീഷ് പേരാടി, സന്തോഷ് കീഴാറ്റൂര്, മഞ്ജു എന്നിങ്ങനെ നിരവധി അഭിനേതാക്കള് ചിത്രത്തില് അണിനിരക്കുന്നു.
