ബോക്സോഫീസില് കനത്ത പരാജയമാണ് ചിരഞ്ജീവി ചിത്രം ‘ഭോല ശങ്കറി’ന് സംഭവിച്ചു കൊണ്ടിരിക്കുന്നത്. ആന്ധ്രയിലെയും തെലുങ്കാനയിലെയും ബോക്സോഫീസില് നിന്നും നെഗറ്റീവ് പ്രതികരണങ്ങളാണ് ചിത്രത്തിന് ലഭിക്കുന്നത്. രജനികാന്ത് ചിത്രം ‘ജയിലര്‍’ ആണ് ഇവിടെ കൂടുതല്‍ കളക്ഷന്‍ നേടുന്നത്.
ചിരഞ്ജീവിയുടെ ഭോലാ ശങ്കര്‍ 25.22 കോടി നാല് ദിവസങ്ങള്‍ കൊണ്ട് നേടി എന്നാണ് റിപ്പോര്‍ട്ടുകള്‍. എന്നാല്‍ ആദ്യ നാല് ദിനങ്ങള്‍ കൊണ്ട് 32 കോടി രൂപയാണ് ജയിലര്‍ ആന്ധ്രയില്‍ നിന്നും തെലങ്കാനയില്‍ നിന്നുമായി നേടിയിരിക്കുന്നത്. ആഗോള തലത്തില്‍ നിന്നും നേടിയത്.
നെഗറ്റീവ് റിവ്യൂകള്‍ക്കിടയിലും ഭോലാ ശങ്കറിന്റെ ഹിന്ദി ഡബ്ബ് വേര്‍ഷന്‍ റിലീസിന് ഒരുങ്ങുകയാണ്. ഓഗസ്റ്റ് 25ന് ആണ് ഹിന്ദി പതിപ്പിന്റെ റിലീസ്. അതേസമയം, ഓഗസ്റ്റ് 11ന് ആണ് ഭോല ശങ്കര്‍ തിയേറ്ററുകളിലെത്തിയത്. അജിത് ചിത്രം ‘വേതാള’ത്തിന്റെ തെലുങ്ക് റീമേക്കാണിത്.
മെഹര്‍ രമേശ് ആണ് ഭോലാ ശങ്കര്‍ സംവിധാനം ചെയ്തത്. തമന്നയാണ് ചിത്രത്തില്‍ നായിക. കീര്‍ത്തി സുരേഷ് സഹോദരിയായി വേഷമിടുന്നു. ഡൂഡ്ലി ആണ് ചിത്രത്തിന്റെ ഛായാഗ്രാഹണം നിര്‍വഹിക്കുന്നത്. രഘു ബാബു, റാവു രമേശ്, മുരളി ശര്‍മ, വെണ്ണല കിഷോര്‍, തുളസി, പ്രഗതി തുടങ്ങിയവരാണ് ചിത്രത്തില്‍ മറ്റ് പ്രധാന വേഷങ്ങളില്‍ എത്തിയത്.
