ലക്ഷദ്വീപ് ജനതയ്ക്ക് ഐക്യദാര്ഢ്യം പ്രഖ്യാപിച്ചതിനെതിരെ ബിജെപി ദേശീയ ഉപാധ്യക്ഷന് എ.പി അബ്ദുള്ളക്കുട്ടി. പൃഥ്വിരാജിനെ പോലെയുള്ളവര് കാര്യങ്ങളെ കുറിച്ച് പഠിക്കാതെ ഇങ്ങനെ പ്രതികരിക്കരുതെന്ന് അബ്ദുള്ളക്കുട്ടി പറയുന്നു.
ഈ സമീപകാലത്ത് പ്രധാനപ്പെട്ട പല വിഷയങ്ങളും ഉണ്ടായി. അന്നൊന്നും പൃഥ്വിരാജ് പ്രതികരിക്കുന്നത് താന് കണ്ടിട്ടില്ല. അദ്ദേഹത്തെ വളരെ ഇഷ്ടമാണ്. പക്ഷേ ആ പ്രതികരണം പോഴത്തരമായിപ്പോയി. ലക്ഷദ്വീപിലെ ആളുകള് നിഷ്കളങ്കരാണ്, ദേശീയ ബോധമുള്ളവരാണ്.
അവിടെ കോണ്ഗ്രസ് ഉണ്ടായിരുന്നു, ഇപ്പോള് എന്സിപി ഉണ്ട്, ബിജെപി പ്രവര്ത്തിക്കുന്നുണ്ട്. അതാണ് അവരുടെ രാഷ്ട്രീയം. അവിടെയുള്ള ജനങ്ങളുടെ എന്റര്ടെയ്ന്മെന്റ് തന്നെ രാഷ്ട്രീയം ആണ്. തീവ്രഗ്രൂപ്പുകളെ ഒന്നും അവിടെ അവര് അടുപ്പിക്കില്ല.
അവരാണ് ഈ പ്രചാരണം തുടങ്ങിയത്. അതിന്റെ കൂടെ പൃഥ്വിരാജിനെ പോലുളള പാവപ്പെട്ടവര് കുടുങ്ങിപ്പോയി എന്നും അബ്ദുള്ളക്കുട്ടി പ്രതികരിച്ചു. അതേസമയം, സേവ് ലക്ഷദ്വീപ് ഹാഷ്ടാഗ് പങ്കുവച്ച് ഹരിശ്രീ അശോകന്, ഗീതു മോഹന്ദാസ്, സലാം ബാപ്പു, തുടങ്ങിയ താരങ്ങള് ഐക്യദാര്ഢ്യം പ്രഖ്യാപിച്ച് രംഗത്തെത്തി.