നീണ്ട എട്ട് വർഷത്തിന് ശേഷം മലയാളത്തിലേയ്ക്ക് തിരിച്ച് വരവിനൊരുങ്ങി അനുപം ഖേർ. ദിലീപിനെ നായകനാക്കി റാഫി സംവിധാനം ചെയ്യുന്ന വോയിസ് ഓഫ് സത്യനാഥനിലൂടെയാണ് അനുപം മലയാളത്തിലേയ്ക്ക് തിരിച്ച് വരുന്നത്. ചിത്രത്തിൽ ജോയിൻ ചെയ്തതിൻറെ സന്തോഷം അനുപം ഖേർ തന്നെയാണ് സോഷ്യൽ മീഡിയയിലൂടെ പങ്കുവച്ചത്.
അദ്ദേഹത്തിൻ്റെ കരിയറിലെ 531-ാം ചിത്രമെന്ന പ്രത്യേകതയും വോയിസ് ഓഫ് സത്യനാഥനുണ്ട് . ദിലീപ്, ജഗപതി ബാബു, ജോജു ജോർജ്, ജനാർദ്ദനൻ, വീണ നന്ദകുമാർ എന്നിവർക്കൊപ്പം അഭിനയിക്കാനായതിൽ ഏറെ സന്തോഷം. ചിത്രത്തിൻറെ കഥ ഏറെ ഇഷ്ടപ്പെട്ടു. ഉഗ്രൻ സിനിമ, സഹതാരങ്ങൾക്കൊപ്പം ചിത്രത്തിൻറെ സെറ്റിൽ നിന്നുള്ള ചിത്രങ്ങൾ പങ്കുവച്ചുകൊണ്ട് അനുപം ഖേർ കുറിച്ചു.
പഞ്ചാബി ഹൗസ്, പാണ്ടിപ്പട, ചൈനാടൗൺ, തെങ്കാശിപ്പട്ടണം, റിങ്ങ്മാസ്റ്റർ എന്നീ ഹിറ്റ് ചിത്രങ്ങൾക്ക് ശേഷം റാഫി- ദിലീപ് കൂട്ടുകെട്ട് വീണ്ടും ഒന്നിക്കുന്ന ചിത്രമാണ് വോയ്സ് ഓഫ് സത്യനാഥൻ. കഴിഞ്ഞ വർഷം ഒക്ടോബറിലാണ് ചിത്രത്തിന്റെ ഷൂട്ടിംഗ് ആരംഭിച്ചത്. ദീലിപിന് ഒപ്പം സിദ്ദിഖ്, ജോണി ആന്റണി എന്നിവരും പ്രധാന വേഷങ്ങളിൽ എത്തുന്നുണ്ട്.
റാഫി തന്നെയാണ് ചിത്രത്തിന്റെ രചനയും. മഞ്ജു ബാദുഷ, നീതു ഷിനോയ് എന്നിവരാണ് എക്സിക്യൂട്ടീവ് പ്രൊഡ്യൂസേഴ്സ്. ഛായാഗ്രഹണം ജിതിൻ സ്റ്റാനിലസ്. സംഗീതം ജസ്റ്റിൻ വർഗീസ്, എഡിറ്റിംഗ് ഷമീർ മുഹമ്മദ്,