ഐശ്വര്യ ലക്ഷ്മി കേന്ദ്ര കഥാപാത്രമാകുന്ന സിനിമ ‘കുമാരി’യുടെ റിലീസ് തിയതി പ്രഖ്യാപിച്ചു. മോഷന് പോസ്റ്ററിനൊപ്പമാണ് നിര്മ്മാതാക്കള് റിലീസ് തിയതി പങ്കുവെച്ചിരിക്കുന്നത്. ഒക്ടോബര് 28ന് ചിത്രം തിയേറ്ററുകളിലെത്തും. ഷൈന് ടോം ചാക്കോയാണ് ചിത്രത്തിലെ മറ്റൊരു പ്രധാന കഥാപാത്രം.
സുരഭി ലക്ഷ്മി, സ്വാസിക, ജിജു ജോണ്, തന്വി റാം, സ്ഫടികം ജോര്ജ്, രാഹുല് മാധവ്, ശിവജിത്ത്, ശ്രുതി മേനോന്, ശൈലജ കൊട്ടാരക്കര എന്നിവരാണ് മറ്റു കഥാപാത്രങ്ങളെ അവതരിപ്പിക്കുന്നത്. ‘രണം’ എന്ന സിനിമയ്ക്ക് ശേഷം നിര്മല് സഹദേവിന്റെ രണ്ടാമത്തെ ചിത്രമാണിത്.
പൃഥ്വിരാജ് പ്രൊഡക്ഷന്സ് അവതരിപിപ്പിക്കുന്ന കുമാരിയുടെ നിര്മ്മാണം ദ് ഫ്രഷ് ലൈം സോഡാസ് ആണ്. ലിസ്റ്റിന് സ്റ്റീഫന്റെ മാജിക് ഫ്രെയിംസ് റിലീസ് ആണ് ചിത്രം വിതരണം ചെയ്യുന്നത്. ഐശ്വര്യ ലക്ഷ്മി, പ്രിയങ്ക ജോസഫ്, മൃദുല പിനപ്പല, ജിന്സ് വര്ഗീസ് എന്നിവരാണ് സഹനിര്മ്മാതാക്കള്.
ഛായാഗ്രഹണം എബ്രഹാം ജോസഫ്, എഡിറ്റര് ശ്രീജിത്ത് സാരംഗ് തന്നെയാണ് ചിത്രത്തിന്റെ കളറിംഗും നിര്വ്വഹിക്കുന്നത്. പ്രൊഡക്ഷന് ഡിസൈന് ഗോകുല് ദാസ്, നിര്മല് സഹദേവിനൊപ്പം ഫസല് ഹമീദും ചേര്ന്നാണ് ചിത്രത്തിന്റെ രചന നിര്വ്വഹിച്ചിരിക്കുന്നത്.