പൈലറ്റ്സ്, ഇഷ്ടം, ഭാവം, മീശമാധവന്‍, എന്റെ വീട് അപ്പൂന്റേം, കല്യാണരാമന്‍ തുടങ്ങിയ ചിത്രങ്ങളിലൂടെ മലയാളികള്‍ക്ക് പ്രിയങ്കരിയായ നടിയാണ് ജ്യോതിര്‍മയി. ഒരു കാലത്ത് മലയാളികളുടെ പ്രിയ താരമായി തിളങ്ങിയിരുന്ന നടിയുടെ പുതിയ ലുക്കാണ് സോഷ്യല്‍ മീഡിയയില്‍ വൈറലായിരിക്കുന്നത്.
തല മൊട്ടയടിച്ച ജ്യോതിര്‍മയിയുടെ ചിത്രമാണ് ഇപ്പോള്‍ വൈറലായിരിക്കുന്നത്. “തമസോ മ ജ്യോതിര്‍ഗമയ” എന്ന അടിക്കുറിപ്പോടെ ഭര്‍ത്താവും പ്രമുഖ സംവിധായകനും ഛായാഗ്രാഹകനുമായ അമല്‍ നീരദാണ് ചിത്രം പങ്കു വെച്ചത്. സ്വകാര്യ നിമിഷങ്ങളോ അതുമായി ബന്ധപ്പെട്ട ചിത്രങ്ങളോ അധികം പുറത്തു വിടാത്ത അമല്‍ തന്നെ ഈ വ്യത്യസ്ത ചിത്രം പോസ്റ്റ് ചെയ്തത് ആരാധകര്‍ക്കും കൗതുകമായി.
https://www.instagram.com/p/B_RyAKIpYfR/?utm_source=ig_web_copy_link
മലയാളം, തമിഴ്, തെലുങ്ക് സിനിമകളില്‍ സജീവമായി നിന്ന താരമാണ് ജ്യോതിര്‍മയി. 2015 ഏപ്രില്‍ 4-നാണ് അമല്‍ നീരദും ജ്യോതിര്‍മയിയും വിവാഹിതരാകുന്നത്. തുടര്‍ന്ന് ജ്യോതിര്‍മയി അഭിനയം നിര്‍ത്തുകയായിരുന്നു.
