നീണ്ട ഇടവേളക്ക് ശേഷം പ്രജേഷ് സെൻ സംവിധാനം ചെയ്യുന്ന മേരി ആവാസ് സുനോയിലൂടെ അഭിനയ രംഗത്തെയ്ക്ക് തിരികെയെത്തിയ താരമാണ് ഗൗതമി നായർ. ആറു വർഷത്തോളം നീണ്ട ഇടവേള എന്തിനായിരുന്നു വെന്നും, താൻ സിനിമയിൽ നിന്നും വിട്ടുനിൽക്കാനിടയായ കാരണം എന്താണന്നുമെക്കെ തുറന്നു പറയുകയാണ് ഗൗതമി ഇപ്പോൾ.
എന്തിനായിരുന്നു സിനിമയിൽ നിന്നുള്ള ഇടവേള, പഠനം പൂർത്തിയാക്കിയോ തുടങ്ങി നിരവധി ചോദ്യങ്ങൾക്കുള്ള മറുപടിയും നടി നൽകുന്നുണ്ട്.
”എനിക്കാരും സിനിമ തരുന്നില്ലായിരുന്നു. അതാണ് സത്യാവസ്ഥ. ജാഡ ഇട്ടാൽ സിനിമ കിട്ടില്ല. സത്യം പറഞ്ഞാൽ സിനിമ കിട്ടാത്തത് കൊണ്ടാണ് ഇടവേള എടുത്തത്. ഞാൻ കാര്യമാണ് പറഞ്ഞത്. എല്ലാവരും വിചാരിച്ചു ഞാൻ അഭിനയിക്കുന്നില്ലന്ന്. ആരും പടം തന്നില്ല. അപ്പൊ ഞാൻ വീട്ടിലിരുന്നു.
സിനിമ ഇല്ലാത്തപ്പൊ വീട്ടിൽ വെറുതെ കുത്തിയിരിക്കാൻ പറ്റില്ലല്ലോ.അതുകൊണ്ട് പഠനവുമായി മുൻപോട്ട് പോകാമെന്ന് കരുതി അങ്ങനെ എംഎസ്സി ക്ലിനിക്കൽ സൈക്കോളജി പൂർത്തിയാക്കി എന്നും ഗൗതമി പറഞ്ഞു. മൈൽസ്റ്റോൺ മേക്കേഴ്സ് ചാനലിന് നൽകിയ. അഭിമുഖത്തിനിടയിലായിരുന്നു താരം ഈ കാര്യങ്ങൾ തുറന്നു പറഞ്ഞത്.
മേരി ആവാസ് സുനോയിൽ ആർ.ജെയുടെ റോൾ ആണ് ഗൗതമി ചെയ്യുന്നത്. ആർ.ജെ. പോളി എന്നാണ് കഥാപാത്രത്തിന്റെ പേര്. കുറച്ച് ബബ്ലി ആയ ലൈവ്ലി ആയ ഓടിച്ചാടി നടക്കുന്ന കഥാപാത്രമാണ് പോളി എന്നും താരം പറഞ്ഞു.
കുറച്ച് വ്യത്യസ്തമായ കഥാപാത്രമാണ് താൻ ഇതുവരെ അങ്ങനെ ഒരു കഥാപാത്രം ചെയ്തിട്ടില്ലന്നും. എവിടെയൊക്കെയോ ഞാൻ നിൽക്കുന്ന പോലെ കുറച്ച് കിളി പോയിട്ടുള്ള ഒരു കഥാപാത്രമാണെന്നാണ് എനിക്ക് തോന്നുന്നത് എന്നും ഗൗതമി പറഞ്ഞു.
മേയ് 13നായിരുന്നു മേരി ആവാസ് സുനോ തിയേറ്ററുകളിൽ റിലീസ് ചെയ്തത്. ജയസൂര്യ, മഞ്ജു വാര്യർ, ശിവദ എന്നിവരാണ് ചിത്രത്തിൽ പ്രധാന കഥാപാത്രങ്ങളായെത്തുന്നത്.