ഷൈന് ടോം ചാക്കോ ഫ്ലൈറ്റില് കിടക്കാന് ശ്രമിച്ചുവെന്നും എഴുന്നേല്ക്കാന് പറഞ്ഞപ്പോള് നേരെ പോയത് കോക്പിറ്റിലേക്കാണെന്നും സംവിധായകന് സോഹന് സീനുലാല്. ‘ഭാരത സര്ക്കസ്’ എന്ന ചിത്രത്തിന്റെ ഭാഗമായി ദുബായിയില് നടന്ന പരിപാടിക്ക് ശേഷം തിരികെ വരുമ്പോഴാണ് സംഭവം.
ഷൈന് കഴിഞ്ഞ ദിവസം വരാനിരുന്നതാണ്. ഫ്ലൈറ്റ് മിസ്സായതുകൊണ്ട് ഇന്ന് ഉച്ചയ്ക്ക് എയര് ഇന്ത്യയുടെ ഫ്ലൈറ്റിലാണ് വരാന് ശ്രമിച്ചത്. ഷൈനിന്റെ ഒരു സംസാര രീതി അറിയാമല്ലോ. ഷൈന് ദേഷ്യപ്പെടുകയാണ് എന്ന് കരുതിയുള്ള ഒരു കമ്യൂണിക്കേഷന് പ്രശ്നമുണ്ടായി.
ഒരുപാട് പരിപാടികളുള്ളതിനാല് ഷൈന് വളരെ ക്ഷീണിതനായിരുന്നു. ഫ്ലൈറ്റില് കയറി കിടന്നപ്പോള് ഇപ്പോള് കിടക്കാന് കഴിയില്ല എന്ന് എയര്ഹോസ്റ്റസുമാര് പറയുകയും എഴുന്നേല്ക്കാന് പറഞ്ഞപ്പോള് അദ്ദേഹം നടന്ന് പോയത് കോക്പിറ്റിന്റെ ഭാഗത്തേക്കാണ്. അതാണ് സംഭവിച്ചത്. ഷൈനിന്റെ ഒരു സംസാര രീതി അറിയാമല്ലോ. ഷൈന് ദേഷ്യപ്പെടുകയാണ് എന്ന് കരുതിയുള്ള ഒരു കമ്യൂണിക്കേഷന് പ്രശ്നമാണ്. അദ്ദേഹം പറഞ്ഞു.
ഇന്നലെ ഉച്ചക്ക് 1.45 കൊച്ചിയിലേക്കുള്ള എ ഐ 934 വിമാനത്തിലാണ് ഷൈന് കയറിയത്. ഇതിനിടയില് നടന് വിമാനത്തിന്റെ കോക്പിറ്റിലേക്ക് കയറാന് ശ്രമിക്കുകയായിരുന്നു. അനുവദിച്ച സീറ്റില് നിന്നുമാറി ജീവനക്കാര്ക്കുള്ള ജംബോ സീറ്റില് കയറി കിടക്കുകയും ചെയ്തു.
ഇതേ തുടര്ന്നാണ് ഷൈന് ടോം ചാക്കോയെ വിമാനത്താവളത്തില് തടഞ്ഞുവച്ചത്. ഷൈനിനെ ഇറക്കിയ ശേഷം ഒരു മണിക്കൂര് കഴിഞ്ഞാണ് വിമാനം കൊച്ചിയിലേക്ക് പറന്നത്. തനിക്ക് അബദ്ധം പറ്റിയതാണെന്നാണ് ഷൈന് വിമാന അധികൃതരോട് പറഞ്ഞത്. ഇത് മുഖവിലക്കെടുത്ത് എയര് ഇന്ത്യ അധികൃതര് നിയമ നടപടികള് ഒഴിവാക്കി.