കേരളത്തിലെ സ്ത്രീധന മരണങ്ങളില്‍ പ്രതികരിച്ച് നടന്‍ ഷെയ്ന്‍ നിഗം. ജീവിതത്തിലെ പ്രതിസന്ധികളെ നേരിടാന്‍ ചെറുപ്പം മുതലെ മാതാപിതാക്കളില്‍ നിന്നാണ് പഠിക്കേണ്ടത്. ഒപ്പം വിദ്യാലയങ്ങളില്‍ നിന്നും ഇടപെടലുകള്‍ വേണം. ആത്മഹത്യക്ക് പകരം പുറം ലോകത്തോട് നേരിടുന്ന പ്രശ്നങ്ങള്‍ തുറന്ന് പറയാനുള്ള ഇഛാശക്തിയാണ് ഉണ്ടാവേണ്ടതെന്നും നടന്‍ കുറിച്ചു.
അതോടൊപ്പം ഇനിയും ഇത്തരം പ്രശ്നങ്ങള്‍ നേരിയുന്നവര്‍ മിണ്ടാതിരിക്കരുതെന്നും സഹായിക്കാന്‍ ഒരുപാട് പേരുണ്ടാകുമെന്നും ഷെയ്ന്‍ കൂട്ടിച്ചേര്‍ത്തു.
കഴിഞ്ഞ 3 ദിവസത്തിനിടെ നാലില്‍ കൂടുതല്‍ ആത്മഹത്യകള്‍ നടന്നു, അതും ഗാര്‍ഹിക പീഢനം നേരിട്ട യുവതികള്‍.
ആത്മഹത്യ ഇതിന് പരിഹാരമാണ് എന്ന് വിശ്വസിക്കുന്നുണ്ടോ? ഉറച്ച നിലപാടുകളും, പുറം ലോകത്തോട് നേരിടുന്ന ബുദ്ധിമുട്ടുകള്‍ സധൈര്യം വിളിച്ചു പറയുവാന്‍ (ഇഛാശക്തി) കാണിക്കുകയും അല്ലേ ചെയ്യേണ്ടത്. അവിടെ അല്ലേ ജയിക്കുന്നത്, മരണം വരിച്ച് നമ്മള്‍ “തോള്‍”ക്കുകയല്ലെ സത്യത്തില്‍?
നമ്മുടെ പാഠ്യ സിലിബസില്‍ ഒരുപാട് മാറ്റങ്ങള്‍ കൊണ്ടുവരുത്തേണ്ട കാലം അതിക്രമിച്ചിരിക്കുന്നു. ജീവിതത്തിലെ ഇത്തരം പ്രതിസന്ധികളെ തരണം ചെയ്യാനും ധൈര്യവും ആര്‍ജവവും സൃഷ്ടിക്കാന്‍ ചെറുപ്പകാലം മുതല്‍ ഓരോ വ്യക്തിയും പഠിക്കുന്നത് മാതാപിതാക്കളില്‍ നിന്നാണ്. കൂട്ടത്തില്‍ വിദ്യാലയങ്ങളില്‍ നിന്നും ഇത്തരം വിഷയങ്ങളില്‍ ഇടപെടലുകള്‍ ഉണ്ടാവേണ്ടതുണ്ട്.
ഇനിയും മിണ്ടാതെ ഇരിക്കരുത്, ഞങള്‍ ഒരുപാടു പേരുണ്ട് സഹായിക്കാന്‍ എന്നോര്‍മിപ്പിക്കുന്നു.