നടന് ബിജുമേനോനുമായുള്ള വിവാഹശേഷം നടി സംയുക്താവര്മ്മ സിനിമാരംഗം വിട്ടിരുന്നു. പിന്നീട് പല സന്ദര്ഭങ്ങളിലും സംയുക്ത തിരികെയെത്തുമോ എന്ന ചോദ്യം ആരാധകര് ചോദിച്ചിട്ടുണ്ട് . എന്നാല് അതു സംബന്ധിച്ച് പ്രതികരിച്ചിരുന്നില്ല. ഇപ്പോഴിതാ കൗമുദി ഫ്ളാഷ് മൂവീസുമായുള്ള അഭിമുഖത്തില് ഇക്കാര്യത്തെക്കുറിച്ച് മനസ്സ് തുറന്നിരിക്കുകയാണ് നടി. ബിജു മേനോന്റെ നായികയായി ഒരു സിനിമ വന്നാല് അഭിനയിക്കുമോ എന്ന ചോദ്യത്തിനാണ് സംയുക്ത മറുപടി നല്കിയിരിക്കുന്നത്.
നടിയുടെ വാക്കുകള് ഇങ്ങനെ- അറിയില്ല സത്യത്തില് ഞാനതിനെക്കുറിച്ച് ആലോചിച്ചിട്ടില്ലെന്നതാണ് സത്യം. പെട്ടെന്ന് ചോദിച്ചപ്പോള് അഭിനയിക്കുമോ ഇല്ലയോ എന്നു പറയാന് പറ്റണില്ല. എല്ലാം ദൈവനിശ്ചയം പോലെ നടക്കട്ടെ.
അതേസമയം, നടി സിനിമയിലേക്ക് തിരിച്ചുവരുന്നതിനെ കുറിച്ച് മുമ്പ് ബിജുമേനോന് പ്രതികരിച്ചിരുന്നു.അവള്ക്ക് എപ്പോള് വേണമെങ്കിലും സിനിമയിലേക്ക് വരാം . അവള് അഭിനയിക്കണമെന്നോ അഭിനയിക്കരുതെന്നോ ഞാന് പറഞ്ഞിട്ടില്ല. കേരള കൗമുദി ഫ്ലാഷ് മൂവീസുമായുള്ള അഭിമുഖത്തില് അദ്ദേഹം പറഞ്ഞിരുന്നു.
തന്റെ സിനിമകള് കണ്ട് കൃത്യമായി കണിശമായി അഭിപ്രായം പറയുന്ന ആളാണ് സംയുക്തയെന്നും ഈ അടുത്തയിടെ അയ്യപ്പനും കോശിയും കണ്ടിട്ട് അസ്സലായി ബിജുവെന്നാണ് സംയുക്ത അഭിപ്രായപ്പെട്ടതെന്നും ബിജുമേനോന് വ്യക്തമാക്കിയിരുന്നു.