അമിതാഭ് ബച്ചനോ ഷാരൂഖ് ഖാനോ തനിക്കോ ഒന്നും ചെയ്യാനാകാത്ത കാര്യങ്ങള് നന്ദമൂരി ബാകൃഷ്ണയ്ക്ക് സാധിക്കുമെന്ന് രജനികാന്ത്. എന്ടിആറിന്റെ നൂറ് വര്ഷങ്ങള് ആഘോഷിക്കുന്നതിന്റെ ഭാഗമായുള്ള പരിപാടിയിലാണ് രജനികാന്ത് സംസാരിച്ചത്.
”ബാലയ്യയുടെ ഒറ്റം നോട്ടം മതി എല്ലാം അടിപൊളിയാക്കാന്. ഒരു ചെറിയ കണ്ണിറുക്കല് കൊണ്ട് വാഹനം പൊട്ടിത്തെറിപ്പിക്കാനും അതു മുപ്പതടി ഉയരത്തിലേക്ക് പറപ്പിക്കാനും അദ്ദേഹത്തിനു സാധിക്കും. അത് രജിനികാന്ത്, അമിതാഭ്, ഷാരൂഖ് ഖാന്, സല്മാന് ഖാന് ഇവര് ആരെ കൊണ്ടും സാദ്ധ്യമായ കാര്യമല്ല.”
”അങ്ങനെയുള്ള കാര്യങ്ങള് ഞങ്ങള് ചെയ്താലും ആരും അംഗീകരിക്കില്ല. ബാലയ്യ ചെയ്യുന്നതെല്ലാം പ്രേക്ഷകര് ഏറ്റെടുക്കും. തെലുങ്കു പ്രേക്ഷകര് ബാലയ്യയെയല്ല മറിച്ച് എന്ടിആറിനെയാണ് അദ്ദേഹത്തില് കാണുന്നത്. അദ്ദേഹം ഒരു നല്ല ഹൃദയത്തിനുടമയാണ്.”
”ബാലയ്യ ചെയ്യുന്ന കാര്യങ്ങള് പ്രേക്ഷകര് അംഗീകരിക്കും കാരണം അവര് സ്ക്രീനില് കാണുന്നത് അദ്ദേഹത്തിന്റെ അച്ഛന് എന്ടിആര് നെയാണ്. രാഷ്ട്രീയത്തിലും സിനിമയിലും ഒരുപോലെ അദ്ദേഹത്തിനു ശോഭിക്കാന് കഴിയട്ടെയെന്ന് ഞാന് പ്രാര്ത്ഥിക്കുന്നു” എന്നാണ് രജനികാന്ത് പറഞ്ഞത്.
അതേസമയം, ‘വീരസിംഹ റെഡ്ഡി’ ആണ് ബാലയ്യയുടേതായി ഒടുവില് തിയേറ്ററുകളില് എത്തിയ ചിത്രം. 100 കോടിയില് അധികം കളക്ഷന് നേടിയ ചിത്രം ഗംഭീര വിജയമായിരുന്നു. അനില് രവിപുടിയ്ക്കൊപ്പം 108-ാമത്തെ ചിത്രത്തിന്റെ തിരക്കിലാണ് ബാലയ്യ ഇപ്പോള്.