പോലീസ് വേഷം ചെയ്യാൻ തന്നെ സഹായിച്ചത് സുരേഷ് ഗോപിയാണെന്ന് നീത പിള്ള. സുരേഷ് ഗോപി- ജോഷി കൂട്ടുകെട്ടിലെത്തിയ പാപ്പന് തിയേറ്ററുകളില് ഹിറ്റായി മാറുകയാണ്. ചിത്രത്തിൽ എസിപി വിൻസി ഏബ്രഹാം എന്ന കഥാപാത്രമായി എത്തിയ നീത തന്റെ ഷൂട്ടിങ്ങ് അനുഭവങ്ങളും പോലീസ് വേഷം ചെയ്യാൻ സുരേഷ് ഗോപി തന്നെ സഹായിച്ചതിനെപ്പറ്റിയും തുറന്ന് പറഞ്ഞതാണ് പ്രേക്ഷകർക്കിടയിൽ ശ്രദ്ധ നേടുന്നത് മനോരമ ഓൺലൈന് നൽകിയ അഭിമുഖത്തിലാണ് നടി തന്റെ പോലീസ് വേഷത്തെക്കുറിച്ച് സംസാരിച്ചത്.
പോലീസ് എന്ന് പറയുമ്പോൾ നമ്മുടെ മനസ്സിൽ ആദ്യം ഓടിയെത്തുന്നത് സുരേഷ് ഗോപിയുടെ മുഖമാണ്. സുരേഷ് സാറിന്റെ കൂടെ നിന്ന് പോലീസ് വേഷം ചെയ്യുക എന്നുള്ളത് തന്നെ സംബന്ധിച്ച് ടെൻഷൻ ഉള്ള കാര്യമായിരുന്നു. അദ്ദേഹത്തിനൊപ്പം നിൽക്കുമ്പോൾ തന്റെ അഭിനയം മോശമായാൽ മുഴുവൻ സിനിമയെ അത് ബാധിക്കും.
തന്റെ പ്രകടനം താഴെപോയാൽ ‘അയ്യോ ഈ കുട്ടിയെ എന്തിനാണ് ഈ കഥാപാത്രത്തിലേക്ക് കാസ്റ്റ് ചെയ്തത്’ എന്ന് ആളുകൾ ചോദിക്കും. അങ്ങനെയൊന്നും വരരുതെന്ന് താൻ ആഗ്രഹമുണ്ടായിരുന്നു. കൂടുതൽ ടേക്ക് പോകരുത് എന്നുള്ള ടെൻഷൻ ഉണ്ടായിരുന്നു. പക്ഷേ ഒപ്പം നിൽക്കുമ്പോൾ താൻ ടെൻഷൻ ആകാതിരിക്കാൻ അദ്ദേഹവും ശ്രദ്ധിച്ചിരുന്നു.
തന്നെ വളരെ കംഫർട്ടബിൾ ആക്കാൻ ശ്രമിക്കുമായിരുന്നു സുരേഷ് ഗോപി. ഒരു ചെറിയ നിൽപ്പും നോട്ടവും പോലും ഇങ്ങനെ ചെയ്തു നോക്കൂ എന്ന് സുരേഷ് സാർ പറഞ്ഞു തന്ന അവസരങ്ങൾ ഉണ്ടെന്നും നീത പറഞ്ഞു. പോലീസ് വേഷം നന്നാക്കാൻ സാറിന്റെ ഇൻപുട്ട് ഒരുപാടുണ്ടായിരുന്നുവെന്നും അവർ കൂട്ടിച്ചേർത്തു.