രണ്ടുവട്ടം കാന്സറിനെ അതിജീവിച്ച് ജീവിതത്തിലേക്ക് തിരിച്ചു വന്ന താരമാണ് മംമ്ത മോഹന്ദാസ്. തന്റെ വിഷമ കാലഘട്ടത്തെ കുറിച്ച് മംമ്ത എപ്പോഴും തുറന്നു പറയാറുണ്ട്. ക്യാന്സര് ചികിത്സാ കാലഘട്ടെ കുറിച്ച് പറയുകയാണ് മംമ്ത ഇപ്പോള്. പെട്ടെന്ന് ചികിത്സിയ്ക്കാം എന്നായിരുന്നു ഡോക്ടര്മാരുടെ അപ്രോച്ച് എന്നാല് തനിക്ക് ട്രസ്റ്റ് ഇഷ്യൂസ് ഉണ്ടായിരുന്നു എന്നാണ് നടി പറയുന്നത്.
പണ്ട് തൊട്ടേ ട്രസ്റ്റ് ഇഷ്യൂസ് ഉള്ള ആളാണ് താന്. പേരുള്ള ഡോക്ടറുടെ അടുത്ത് പോയപ്പോഴൊന്നും താന് ചോദിച്ച ചോദ്യങ്ങള്ക്കൊന്നും തനിക്ക് ഒരുപാട് സമയം തരാന് പറ്റിയിട്ടില്ല. താന് ചോദിക്കുന്ന ചോദ്യങ്ങള്ക്ക് കൃത്യമായ ഉത്തരം കിട്ടിയില്ല. പെട്ടെന്ന് ചികിത്സിക്കാം എന്ന രീതിയില് ആയിരുന്നു അപ്രോച്ച്.
അപ്പോള് തന്നെ താന് പറഞ്ഞു, ‘ട്രീറ്റ്മെന്റ് അവിടെ നില്ക്കട്ടെ, എനിക്ക് ആദ്യം വേണ്ടത് ആദ്യ കീമോ ചെയ്യുന്ന സമയത്ത് എന്റെ ബെഡിനടുത്തുണ്ടാവുന്ന ഡോക്ടറെ ആണ്’ എന്ന്. മംമ്തയുടെ ഹെല്ത്ത് എങ്ങനെ ഉണ്ടെന്ന് ഒരുപാട് ആളുകള് ചോദിക്കാറുണ്ട്. താന് സുഖമായിരിക്കുന്നു എന്നല്ല പറയാറ്.
അത് തന്റെ കണ്ട്രോളില് ആണ് എന്നാണ്. ശാരീരികം മാത്രമല്ല മാനസിക ആരോഗ്യവും. തന്റെ കുടുംബത്തില് ഏറ്റവും പിന്തുണ നല്കിയിരുന്നത് അച്ഛനും അമ്മയുമാണ്. 2009 ല് കാന്സര് ബാധിച്ച ശേഷം കാന്സറിനൊപ്പം നീണ്ട യാത്ര ഉണ്ടാവുമ്പോള് ദീര്ഘ കാലത്തിലുള്ള സൈഡ് എഫക്ടുകള് വരും.
തനിക്ക് രോഗം ബാധിച്ച സമയത്ത് 23 വയസ്സ് ആയിരുന്നു. എന്തു കൊണ്ടാണ് താന് മൂഡി ആയിരിക്കുന്നത് എന്നൊന്നും തനിക്ക് അറിയില്ലായിരുന്നു. നഴ്സുമാര് മാലാഖകള് തന്നെയാണ്. ഡോക്ടര്മാരേക്കാളും കൂടുതല് പലപ്പോഴും രോഗികളോടൊപ്പം അവരാണ് ഉണ്ടാവുക എന്നുമാണ് മംമ്ത പറയുന്നത്.