സാമന്തയും നാഗചൈതന്യയും വേര്പിരിഞ്ഞിട്ട് ഒരു വര്ഷത്തോളമായിരിക്കുകയാണ്. 2021 ജൂലൈ മുതലാണ് ഇവരുടെ പേരില് ഗോസിപ്പുകള് വന്ന് തുടങ്ങിയത്. ഒരു ദിവസം പെട്ടെന്ന് ഗോസിപ്പുകള് ശരി വെച്ചുകൊണ്ട് തള്ളള് പിരിഞ്ഞതായി ഇരുവരും അറിയിക്കുകയായിരുന്നു.
എന്നാല് അതിന്റെ കാരണമെന്താണെന്ന് ഇനിയും ഇവര് രണ്ടു പേരും വ്യക്തമാക്കിയിട്ടില്ല. ഇരുവരുടെയും വ്യക്തി ജീവിതത്തെ കുറിച്ചുള്ള തുറന്ന് പറച്ചിലുമായി എത്തിയിരിക്കുകയാണ് കെആര്കെ എന്നറിയപ്പെടുന്ന കമാല് ആര് ഖാന്. ആമിര് ഖാനാണ് വിവാഹമോചനത്തിന് പിന്നിലെന്നാണ് കെആര്കെ യുടെ ആരോപണം.
സാമന്തയുമായി വേര്പിരിയാന് നാഗചൈതന്യയ്ക്ക് കാരണമായി മാറിയത് ആമിര് ഖാന്റെ പ്രവൃത്തികളാണെന്നും അദ്ദേഹം കറുത്ത ഹൃദയമുള്ള ആളാണെന്നും താരം പറയുന്നു. ട്വിറ്ററിലൂടെ പരസ്യമായിട്ടാണ് കെആര്കെ രംഗത്ത് വന്നിരിക്കുന്നത്.
‘സാമന്തയുമായി വേര്പിരിയാന് വേണ്ടി നാഗചൈതന്യയെ ആമിര് ഖാന് ഉപദേശിച്ചു. ഈ കഥ മുഴുവന് എനിക്ക് ലഭിച്ചിരിക്കുകയാണ്. അദ്ദേഹം കറുത്ത ഹൃദയം ഉള്ളവനാണെന്ന് ഇതിലൂടെ മനസിലാക്കാന് സാധിക്കും. ഒരിക്കലും ഇങ്ങനെയുള്ള ഒരാളുടെ കൂടെ ഞാന് പ്രവര്ത്തിക്കില്ല. കെആര്കെ ട്വീറ്റില് പറയുന്നു.