‘കാന്താര’ സിനിമ താന് കണ്ടില്ലെന്ന് പ്രതികരിച്ചതോടെ നടി രശ്മിക മന്ദാനയ്ക്കെതിരെ സൈബര് ആക്രമണങ്ങള് നടന്നിരുന്നു. ഋഷഭ് ഷെട്ടിയും രശ്മികയും തമ്മിലുള്ള പ്രശ്നങ്ങള് വരെ ആരാധകരും മാധ്യമങ്ങളും ചര്ച്ച ചെയ്തിരുന്നു. എന്നാല് പിന്നീട് താന് കാന്താര കണ്ടെന്നും അണിയറ പ്രവര്ത്തകര്ക്ക് സന്ദേശം അയച്ചുവെന്നും പറഞ്ഞപ്പോള് ആ വിവാദം അവസാനിച്ചു.
സിനിമയില് ഉണ്ടാകുന്ന ഇത്തരം വിവാദങ്ങളോട് പ്രതികരിച്ചിരിക്കുകയാണ് കന്നഡയിലെ സൂപ്പര് താരങ്ങളില് ഒരാളായ കിച്ച സുദീപ്. ഋഷഭ് ഷെട്ടിയും രശ്മികയും തമ്മിലുണ്ടായ വിവാദത്തെ കുറിച്ച് ചോദിച്ചപ്പോഴാണ് കിച്ച സുദീപ് പ്രതികരിച്ചത്.
ഒരു പത്ത് പതിനഞ്ച് വര്ഷം പിന്നോട്ട് പോയി നോക്കിയാല് വാര്ത്താ ചാനലുകള് അന്ന് ഞങ്ങളെ അഭിമുഖം നടത്താന് വന്നു. അതെല്ലാം അക്കാലത്ത് വളരെ പുതിയതായിരുന്നു. അതിനപ്പുറം ഡോ. രാജ്കുമാര് സാറിന്റെ (പഴയകാല കന്നട സൂപ്പര്താരം) കാലത്തേക്ക് നോക്കിയാല് ദൂരദര്ശനും പേപ്പറുകളുമല്ലാതെ മറ്റൊന്നും അവിടെ ഉണ്ടായിരുന്നില്ല.
അതിനാല് മാധ്യമങ്ങളും മറ്റും ഉണ്ടായതിനാല് വിവാദം എന്ന് പറയാന് പറ്റില്ല. മാധ്യമ വാര്ത്തകള് കാരണം എല്ലാം തെറ്റാണ് എന്ന് പറയുന്നതും ശരിയല്ല. വിവാദങ്ങള് ഒക്കെ അങ്ങനെ തന്നെയായിരിക്കും. നിങ്ങള്ക്ക് മാത്രം ലോകത്തെ മാറ്റാന് കഴിയുമോ?
ഇത്തരം വിവാദങ്ങള് കൈകാര്യം ചെയ്യാന് നമ്മള് പഠിക്കണം. ഇത് അതിജീവിച്ച് എപ്പോഴും മുന്നോട്ട് പോകണം. നിങ്ങള് ഒരു സെലിബ്രിറ്റി ആണെങ്കില് എപ്പോഴും മാലകള് തന്നെ കിട്ടിയെന്ന് വരില്ല. മുട്ടയും തക്കാളിയും കല്ലും ഏത് സമയത്തും നിങ്ങള്ക്ക് നേരെ വരാം എന്നാണ് കിച്ച സുദീപ് പറയുന്നത്.