സീരിയല് രംഗത്ത് വന്ന മാറ്റങ്ങളെ കുറിച്ച് മനസ്സ് തുറന്ന് നടി കാര്ത്തിക കണ്ണന്. പഴയ കാലത്ത് നായിക ആയിരുന്നെങ്കില് പോലും സെറ്റില് ഇരിക്കാന് കസേര കിട്ടുന്നത് തന്നെ അപൂര്വ്വമായിരുന്നുവെന്ന് അവര് ഒരു അഭിമുഖത്തില് പറഞ്ഞു.
‘അന്നൊക്കെ ഒരുപാട് കഷ്ടപ്പാടായിരുന്നു. ആദ്യമായി നായികയായി അഭിനയിക്കുന്ന സമയത്ത് നമ്മുക്ക് ട്രെയിനും ഫ്ളൈറ്റും ഒന്നുമില്ല. ടിഎ ആയിട്ട് തരുന്നത് ട്രാന്സ്പോര്ട്ട് ബസില് യാത്ര ചെയ്യാനുള്ള പൈസയാണ്. ഇന്ന് പുതിയ ആളുകള് വരെ ബെന്സില് വന്നിറങ്ങുന്ന കാലമാണ്. ഞങ്ങളൊക്കെ ഒരുപാട് കഷ്ടപ്പെട്ട് വന്നവരാണ്. അതിന്റെ ഗുണം നമുക്കുണ്ട്. അന്ന് നായികാ ആയിരുന്നിട്ട് പോലും സെറ്റില് ഇരിക്കാന് കസേര കിട്ടിയിട്ടില്ല,’
സീനിയര് താരങ്ങള് വരുമ്പോള് നമ്മള് എഴുന്നേറ്റ് കൊടുക്കും. പക്ഷെ ഇന്നത്തെ കുട്ടികള് ഒന്നും അങ്ങനെ ചെയ്യില്ല. അവര് അവിടെ തന്നെ അങ്ങനെ ഇരിക്കും. കാര്ത്തിക പറഞ്ഞു.
തന്റെ ‘വീട്ടുകാര് വളരെ ഓര്ത്തോഡോക്സ് ആയിരുന്നുവെന്നും അതുകൊണ്ട് സിനിമ എന്നൊക്കെ പറഞ്ഞാല് വിടുകയേ ഇല്ലായിരുന്നുവെന്നും അവര് പറയുന്നു. ഈറന് നിലാവ് എന്നായിരുന്നു ആദ്യ സീരിയലിന്റെ പേര്. അതിന് ശേഷം ഒരുപാട് സീരിയലുകളില് നായിക ആയിട്ടും സെക്കന്ഡ് ഹീറോയിന് ആയിട്ടുമൊക്കെ ചെയ്തു,’ കാര്ത്തിക പറഞ്ഞു.
നിലവില് തൂവല് സ്പര്ശം എന്നും സമ്മതം തുടങ്ങിയ പരമ്പരകളില് അഭിനയിച്ചു കൊണ്ടിരിക്കുകയാണ് കാര്ത്തിക.