സിനിമാപ്രേമികള് ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ‘ജയിലര്’. മോഹന്ലാല്-രജനി കോമ്പോ അടക്കം സിനിമയ്ക്കായി കാത്തിരിക്കാന് ഒരുപാട് കാരണങ്ങളുണ്ട്. സ്റ്റൈല്മന്നനെ കുറിച്ച് ജാക്കി ഷ്രോഫ് പറഞ്ഞ വാക്കുകളാണ് ഇപ്പോള് ശ്രദ്ധ നേടികൊണ്ടിരിക്കുന്നത്.
സിനിമയില് മാത്രമല്ല ജീവിതത്തിലും രജനി സൂപ്പര്സ്റ്റാര് ആണെന്നാണ് ജാക്കി ഷ്രോഫ് പറയുന്നത്. അങ്ങനെ പറയാനുള്ള കാരണത്തെ കുറിച്ചും നടന് വിശദീകരിക്കുന്നുണ്ട്. ”ഒരു ദിവസം സിനിമയുടെ ഷൂട്ട് തീര്ത്ത് പോകാനായി രജനി സാര് കാറിനടുത്തേയ്ക്ക് നീങ്ങി.”
”അദ്ദേഹത്തെ കാണാന് അവിടെ ഒരു ജനക്കൂട്ടം കാത്ത് നില്പ്പുണ്ട്. എന്നോട് യാത്ര പറഞ്ഞില്ലെന്ന് മനസ്സിലാക്കിയ രജനീ സാര് ജനക്കൂട്ടത്തിനിടയിലൂടെ വീണ്ടും സെറ്റിലേക്ക് തിരികെ വന്നു. ജാക്കി എവിടെയാണെന്ന് ചോദിച്ച് കൊണ്ടാണ് അദ്ദേഹം എന്റെ അടുത്തേക്ക് വന്നത്.”
”ഞാന് ഷൂട്ടിലാണെന്ന് മനസിലാക്കിയ അദ്ദേഹം എന്നോട് യാത്ര പറയണമെന്നും അതിനാണ് തിരികെ വന്നതെന്നും സഹപ്രവര്ത്തകനോട് പറഞ്ഞു. ഇത്രയധികം മറ്റുള്ളവരെ പരിഗണിക്കുന്ന ഒരു വ്യക്തിയാണ് രജനികാന്ത്. ഇതുകൊണ്ടാണ് അദ്ദേഹത്തെ എല്ലാവരും തലൈവര് എന്ന് വിളിക്കുന്നത്.”
”ലോകത്തിലെ ഏറ്റവും വിനയാന്വിതനായ താരങ്ങളിലൊരാളാണ് അദ്ദേഹം” എന്നാണ് ജാക്കി ഷ്രോഫ് പറയുന്നത്. ജയിലറില് വില്ലന് കഥാപാത്രമായാണ് ജാക്കി ഷ്രോഫ് വേഷമിടുന്നത്. 2014ല് എത്തിയ ‘കൊച്ചടിയാന്’ ചിത്രത്തിന് ശേഷം ജാക്കി ഷ്രോഫും രജനികാന്തും ഒന്നിച്ച് അഭിനയിക്കുന്ന സിനിമ കൂടിയാണിത്.