കഴിഞ്ഞ മാസമാണ് നടി മൈഥിലിയും സമ്പത്തും തമ്മിലുള്ള വിവാഹം നടന്നത്. നീണ്ടനാളായുള്ള പ്രണയത്തിന് ശേഷമാണ് ഇരുവരും വിവാഹത്തിലൂടെ ഒന്നിച്ചത്. ഇപ്പോഴിതാ സമ്പത്തിനെ പരിചയപ്പെട്ടതിനെ പറ്റിയും പ്രണയം വിവാഹം വരെ എത്തിയതിനെ കുറിച്ചും തുറന്നു പറഞ്ഞിരിക്കുകയാണ് മൈഥിലി.
‘നഗര തിരക്കുകളില് നിന്നും മാറി ജീവിക്കാന് കുറച്ച് സ്ഥലം വാങ്ങണമെന്ന് കരുതിയാണ് കൊടൈക്കനാലിലേക്ക് രണ്ട് വര്ഷം മുന്പ് പോയത്. അവിടുത്തെ മുന്സിഫ് ലോയര് ഞങ്ങളുടെ മെന്റര് കൂടിയാണ്. ചെല്ലുമ്പോള് അദ്ദേഹത്തിന്റെ തോട്ടത്തില് ട്രീഹൗസിന്റെ പണി നടക്കുകയാണ്. വലിയൊരു കുന്ന് കയറി വേണം അവിടെ എത്താന്. ചെന്നപ്പോള് അതാ സുന്ദരനായൊരു ചെറുപ്പക്കാരന് നില്ക്കുന്നു. സ്വര്ഗം പോലെയുള്ള അവിടെ വെച്ചാണ് ഞങ്ങളുടെ പ്രണയം തുടങ്ങിയത്.’
‘ഇഷ്ടം ആദ്യമായി പറഞ്ഞത് സമ്പത്താണ്. സ്ഥലം നോക്കാന് പോയപ്പോള് സമ്പത്താണ് ഞങ്ങളുടെ കൂടെ വന്നത്. ആ യാത്രകള്ക്കിടെ സംസാരിച്ച് പരസ്പരം ഇഷ്ടം വന്നു. ഒരു ദിവസം പെട്ടെന്ന് നമുക്ക് കല്യാണം കഴിച്ചാലോ എന്ന് സമ്പത്ത് ചോദിച്ചു. അമ്മയോട് ഇക്കാര്യം പറഞ്ഞപ്പോള് അമ്മ പറഞ്ഞ മറുപടി കേട്ട് ഞാന് ഞെട്ടി.’
‘സമ്പത്തിനെ ആദ്യം കണ്ടപ്പോള് തന്നെ ഇതുപോലെ ഒരാളെ മോള്ക്ക് കിട്ടിയിരുന്നെങ്കില് എന്ന് അമ്മ ആഗ്രഹിച്ചിരുന്നു പോലും. ദൈവം അമ്മയുടെ പ്രാര്ഥന കേട്ടിട്ടുണ്ടാവും. കാരണം അനുഗ്രഹം പോലെയാണ് സമ്പത്ത് ജീവിതത്തിലേക്ക് വന്നതെന്ന്’ വനിതയ്ക്ക് നല്കിയ അഭിമുഖത്തില് മൈഥിലി പറഞ്ഞു.