രതീഷ് ബാലകൃഷ്ണ പൊതുവാള് ഒരുക്കിയ ചിത്രമാണ്് ആന്ഡ്രോയ്ഡ് കുഞ്ഞപ്പന്. സുരാജ് വെഞ്ഞാറമൂടും സൗബിന് ഷാഹിറും കേന്ദ്രകഥാപാത്രങ്ങളായെത്തിയ ചിത്രത്തില് കുഞ്ഞപ്പനെന്ന റോബോര്ട്ടും ഒരുമുഖ്യ കഥാപാത്രമായിരുന്നു. മലയാള സിനിമയിലെ അറിയപ്പെടുന്ന കോമഡി താരം സൂരജ് തേലക്കാടാണ് കുഞ്ഞപ്പനായി എത്തിയത്. ഇപ്പോഴിതാ സൂരജിന്റെ പ്രയത്നത്തെ പ്രശംസിച്ച് രംഗത്ത് വന്നിരിക്കുകയാണ് ഗിന്നസ് പക്രു.
“ഈ ചിത്രത്തില് നിന്റെ മുഖമില്ല ….ശരീരം മാത്രം…. കുഞ്ഞപ്പന് എന്ന റോബര്ട്ടിന് വണ്ടി നീ എടുത്ത പ്രയത്നം…. പ്രിയ സൂരജ് അഭിനന്ദനങ്ങള്.”പക്രു ഫെയ്സ്ബുക്കില് കുറിച്ചു.
ചിത്രത്തിന് വേണ്ടി കുറച്ച് കഷ്ടപ്പെട്ടെന്നും പ്രേക്ഷകര് സ്വീകരിച്ചതില് സന്തോഷമുണ്ടെന്നും സൂരജ് പറയുന്നു. സ്വന്തം മുഖം കാണിക്കാതെ ഒരു ടൈറ്റില് കഥാപാത്രത്തെ അവതരിപ്പിക്കുന്നതില് ആദ്യം സങ്കടം തോന്നിയിരുന്നു. അഞ്ച് കിലോഗ്രാം തൂക്കമാണ് സ്യൂട്ടിന് ഭാരമുണ്ടായിരുന്നത്. ഷൂട്ടിങ് കഴിയുമ്പോഴേക്കും വിയര്ത്ത് കുളിച്ച അവസ്ഥയിലായിരുന്നെന്നും സൂരജ് പറഞ്ഞിരുന്നു.