സിനിമാ മേഖല പൊതുവെ സെക്സിസ്റ്റാണെന്ന് നടി ഗൗരി കിഷന്. ഒരു നടന് കൊടുക്കുന്ന ബഹുമാനമോ മതിപ്പോ ഒരു നടിക്ക് ഒരിക്കലും കിട്ടില്ലെന്നും അത് അവര് സ്ത്രീയായതുകൊണ്ടാണെന്നും നടി പറഞ്ഞു. തന്റെ പ്രായം കാരണം പല മുതിര്ന്ന സംവിധായകരോടും അഭിപ്രായം പറയാനുള്ള സ്വാതന്ത്രം ഇല്ലാത്തത് പോലെ തോന്നിയിട്ടുണ്ടെന്നും നടി കൂട്ടിച്ചേര്ത്തു. മീഡിയ വണ്ണിന് നല്കിയ അഭിമുഖത്തിലാണ് ഗൗരി ഇക്കാര്യം പറഞ്ഞത്.
‘ സാഹിത്യവും ജേര്ണലിസവുമാണ് ഞാന് പഠിച്ചത്. സിനിമകള് കാണാന് എനിക്ക് ഭയങ്കര ഇഷ്ടമാണ്. നടിയെന്നല്ല പ്രേക്ഷക എന്നാണ് ഞാന് സ്വയം വിളിക്കുക. പലരും എന്നോട് പറഞ്ഞിട്ടുണ്ട് നിന്നില് ഒരു സംവിധായികയുണ്ടെന്ന്. 96ന്റെ സംവിധായകനോട് എഴുതാനുള്ള താത്പര്യം ഞാന് പറഞ്ഞിരുന്നു. 23 വയസ്സായല്ലേയുള്ളൂ, ഇപ്പോള് നല്ല നടിയാണ്, കൂടുതല് അനുഭവങ്ങള് നേടൂ എന്ന് അദ്ദേഹം പറഞ്ഞു.
സിനിമാ മേഖല പുരുഷാധിപത്യമുള്ള മേഖല എന്നതിലുപരി സെക്സിസ്റ്റാണ്. ഒരു നടന് കൊടുക്കുന്ന ബഹുമാനമോ മതിപ്പോ അല്ല നടിക്ക് കിട്ടുന്നത്. നടി എന്ന നിലയ്ക്ക് അങ്ങനെ എനിക്ക് ഫീല് ചെയ്തിട്ടുണ്ടെങ്കില് സംവിധായികയാവുക എന്നത് 100 ശതമാനം ദുര്ഘടമായിരിക്കുമെന്ന് എനിക്ക് അറിയാം. അ
അതേസമയം, ഗൗരി പ്രധാന കഥാപാത്രമായി എത്തിയ ചിത്രം ‘അനുരാഗം’ ഇപ്പോള് തിയേറ്ററുകളില് പ്രദര്ശനം തുടരുകയാണ്. ലക്ഷ്മിനാഥ് സത്യം സിനിമാസ്ന്റെ ബാനറില് സുധിഷ് എന്, പ്രേമചന്ദ്രന് എജി എന്നിവര് ചേര്ന്നാണ് ചിത്രം നിര്മ്മിക്കുന്നത്. പ്രകാശന് പറക്കട്ടെ എന്ന സിനിമയ്ക്ക് ശേഷം ഷഹദ് സംവിധാനം ചിത്രമാണ് അനുരാഗം. അശ്വിന് ജോസ് ചിത്രത്തിന്റെ രചനയും നിര്വഹിക്കുന്നു. സുരേഷ് ഗോപി ഛായഗ്രഹണം നടത്തുന്ന ചിത്രത്തിന്റെ ആര്ട്ട് ഡയറക്ടറാണ് അനീഷ് നാടോടി, ലിജോ പോള് എഡിറ്ററും, ജോയല് ജോണ്സ് സംഗീത സംവിധായകനുമാണ്.