ആമസോണ്‍ പ്രൈമിലെ താണ്ഡവ് സീരീസിനെതിരെ ഹിന്ദു ദൈവങ്ങളെ അപമാനിച്ചെന്ന വലിയ ആരോപണമുയർന്നിരുന്നു. ഇപ്പോഴിതാ ഈ വിഷയത്തിൽ മാപ്പ് പറഞ്ഞ് രംഗത്തെത്തിയിരിക്കുകയാണ് ആമസോണ്‍ പ്രൈമിലെ താണ്ഡവ് സീരീസിന്റെ അണിയറ പ്രവര്‍ത്തകരും അഭിനേതാക്കളും.
സീരീസിന്റെ സംവിധായകന്‍ അലി അബ്ബാസ് സഫറാണ് തന്റെ ട്വിറ്ററിലൂടെ ക്ഷമ പറഞ്ഞുള്ള കുറിപ്പ് പങ്കുവെച്ചത്. താണ്ഡവ് എന്നുള്ളത് തികച്ചും സാങ്കല്‍പ്പികമായ ഒരു കലാസൃഷ്ടി മാത്രമാണ്. അണിയറ പ്രവര്‍ത്തകരോ അഭിനേതാക്കളോ ഒരു മതത്തേയോ, വിശ്വാസങ്ങളെയോ അപമാനിക്കാന്‍ ആഗ്രഹമില്ലെന്നാണ് ട്വീറ്റില്‍ പറയുന്നത്.
സീരീസിലെ ചില ഭാഗങ്ങള്‍ യഥാര്‍ത്ഥ ജീവിതവുമായി സാദൃശ്യം തോന്നിയെങ്കില്‍ അത് തികച്ചും യാദൃച്ഛികം മാത്രമാണ്. പ്രേക്ഷകര്‍ പറഞ്ഞ പ്രശ്‌നങ്ങളെ കുറിച്ച് ഞങ്ങള്‍ ചര്‍ച്ച നടത്തിയിരുന്നു. സീരീസ് കാരണം ആരുടെയെങ്കിലും വികാരങ്ങളും വിശ്വാസങ്ങളും വ്രണപ്പെട്ടുവെങ്കില്‍ ക്ഷമ ചോദിക്കുന്നു. അണിയറ പ്രവര്‍ത്തകര്‍
താണ്ഡവിനെതിരെ ബിജെപി കേന്ദ്ര വാര്‍ത്താപ്രക്ഷേപണ മന്ത്രിക്ക് പരാതി നല്‍കിയിരുന്നു. കഴിഞ്ഞ ദിവസമാണ് ആമസോണ്‍ പ്രൈം പുതിയ വെബ് സീരീസ് ആയ താണ്ഡവ് പുറത്തുവിട്ടത്.