തിലകനെയും ഷമ്മി തിലകനെയും പോലെയുള്ള നടന്മാരെ ‘അമ്മ’യില് നിന്ന് പുറത്താക്കുന്ന നടപടി ദൗര്ഭാഗ്യകരമാണമെന്ന് നടി രഞ്ജിനി. ഇത് മാഫിയാവല്ക്കരണമാണെന്നും താരസംഘടന പരിഹാസപാത്രമായി മാറിയിരിക്കുകയാണെന്നും രഞ്ജിനി ഫെയ്സ്ബുക്കില് കുറിച്ചു.
രഞ്ജിനിയുടെ കുറിപ്പ്
തിലകനെയും ഷമ്മി തിലകനെയും പോലെയുള്ള നടന്മാരെ അമ്മയില് നിന്ന് പുറത്താക്കുന്ന നടപടി ദൗര്ഭാഗ്യകരമാണ്. അതേസമയം ബലാല്സംഗ കേസില് കുറ്റാരോപിതനായ വിജയ് ബാബുവിനെ സംഘടനയില് തുടരാന് അനുവദിക്കുകയും ചെയ്യുന്നു! ഒരു പരിഹാസപാത്രമായി മാറിയിരിക്കുകയാണ് ഈ താരസംഘടന. ഇത് മാഫിയാവല്ക്കരണമാണ്.
സംഘടനയില് അംഗങ്ങളായ, ഉറങ്ങുന്ന രണ്ട് എംഎല്എമാരോട്, ഈ ചെറിയ സംഘടനയിലെ അടിച്ചമര്ത്തപ്പെട്ടവരുടെ അവകാശങ്ങള്ക്കുവേണ്ടി നിലകൊള്ളാന് സാധിച്ചില്ലെങ്കില് സ്വന്തം മണ്ഡലങ്ങളിലെ സാധാരണക്കാര്ക്കുവേണ്ടി എന്താണ് നിങ്ങള് ചെയ്യുക?