വീണ്ടും വിവാഹിതയാവാന്‍ താല്‍പര്യമുണ്ടെന്ന് നടിയും അവതാരകയുമായ ആര്യ. നേരത്തെ വിവാഹം ചെയ്യാമെന്ന് കരുതി സ്‌നേഹിച്ചിരുന്ന ആള്‍ തന്നെ വഞ്ചിച്ച് പോയതിനെ കുറിച്ച് ആര്യ പറഞ്ഞിരുന്നു. യൂട്യൂബില്‍ പങ്കുവച്ച പുതിയ വീഡിയോയിലാണ് താന്‍ വിവാഹം കഴിച്ച് സെറ്റില്‍ ആകാന്‍ ആഗ്രഹിക്കുന്നുണ്ടെന്ന് ആര്യ തുറന്നു പറഞ്ഞത്.
കല്യാണ പര്ച്ചേയ്സും 29 ലക്ഷത്തിന്റെ ഡയമണ്ട് നെക്ലേസും എന്നുമാണ് ആര്യ പങ്കുവച്ച വീഡിയോയ്ക്ക് നല്‍കിയ ക്യാപ്ഷന്‍. അനിയത്തിയുടെ കല്യാണം കഴിഞ്ഞതു മുതല്‍ പലരും തന്റെ വിവാഹത്തെ കുറിച്ച് ചോദിക്കുന്നുണ്ട്. നല്ലൊരു പാര്‍ട്ണറെ കിട്ടിയാല്‍ തനിക്കും കല്യാണം കഴിക്കണം, സെറ്റില്‍ഡ് ആവണമെന്നുമൊക്കെ ഭയങ്കര ആഗ്രഹമുണ്ടടോ.
അതിന് വേണ്ടിയുള്ള തയ്യാറെടുപ്പിലാണ് ഇപ്പോള്‍. പെണ്ണ് കാണലിന് പോകാന്‍ ഒരുങ്ങി നില്‍ക്കുകയാണെന്ന് കരുതണ്ട. വെഡ്ഡിങ്ങ് ജൂല്ലറി വാങ്ങാന്‍ പോവുകയാണെന്നും അതൊക്കെ ഒന്ന് ഇട്ട് നോക്കാന്‍ വേണ്ടിയാണ് ഒരുങ്ങി ബ്രൈഡല്‍ ലുക്കില്‍ വന്നത് എന്നാണ് വീഡിയോയില്‍ ആര്യ പറയുന്നത്.
ചെക്കനെ കിട്ടിയാല്‍ താന്‍ പറയും. ചെക്കന്റെ കാര്യം അവിടെ നില്‍ക്കട്ടേ, അതിന് മുമ്പ് കല്യാണത്തിനുള്ള മുന്നൊരുക്കം നമ്മള്‍ ഇപ്പോഴെ തുടങ്ങണം. ഒരു കല്യാണം നടത്തിയതിന്റെ ക്ഷീണമുള്ളത് കൊണ്ടാണ് താനിത് പറയുന്നത്. സ്വര്‍ണം എല്ലാ കാലത്തും ഒരു സേവിംഗ്‌സ് ആണ്.
അത് വാങ്ങി വെക്കുന്നതും നല്ലതാണ് എന്നും ആര്യ പറയുന്നു. സ്‌റ്റൈലിസ്റ്റ്, മേക്കപ്പ് ആര്‍ട്ടിസ്റ്റ് എന്നിവരെ കൂട്ടിയാണ് ആര്യ സ്വര്‍ണം വാങ്ങാന്‍ പോയത്. അതേസമയം, ടെലിവിഷന്‍ ഷോകളുമായി തിരക്കിലാണ് ആര്യ. ‘മേപ്പടിയാന്‍’ ആണ് താരത്തിന്റെതായി ഒടുവില്‍ തിയേറ്ററുകളില്‍ എത്തിയ ചിത്രം.