കഴിഞ്ഞ ദിവസമാണ് നടി ഇല്യാന ഡിക്രൂസിന് ആണ്കുഞ്ഞ് പിറന്നത്. കോവ ഫീനിക്സ് ഡോളന് എന്നാണ് കുഞ്ഞിന് ഇല്യാന നല്കിയ പേര്. ഗര്ഭിണിയാണെന്ന് പ്രഖ്യാപിച്ചത് പിന്നാലെ കുഞ്ഞിന്റെ അച്ഛനാര് എന്ന ചോദ്യവുമായി സൈബര് ആക്രമണവും എത്തിയിരുന്നു. തന്റെ ബേബി ബംപ് ചിത്രങ്ങള് മാത്രമായിരുന്നു ഇല്യാന ഇതിന് മറുപടിയായി പങ്കുവച്ചിരുന്നത്.
പിന്നീട് തന്റെ കാമുകനൊപ്പമുള്ള ഒരു ചിത്രം ഇല്യാന പങ്കുവച്ചിരുന്നു. പങ്കാളിക്കൊപ്പമുള്ള ‘ഡേറ്റ് നൈറ്റ്’ ചിത്രങ്ങള് പങ്കുവച്ചത്. എന്നാല് ഇല്യാന ഗര്ഭിണിയാണെന്ന് അറിയിക്കുന്നതിന് മുമ്പ് തന്നെ താരത്തിന്റെ വിവാഹം കഴിഞ്ഞിരുന്നു എന്നാണ് പുതിയ റിപ്പോര്ട്ടുകള്.
മൈക്കല് ഡോളനെയാണ് താരം വിവാഹം ചെയ്തത്. റിപ്പോര്ട്ടുകള് പ്രകാരം 2023 മെയ് 13ന് ആണ് ഇരുവരും വിവാഹിതരായത്. എന്നാല് വിവാഹം സംബന്ധിച്ച മറ്റ് വിവരങ്ങളൊന്നും ലഭ്യമല്ല. മൈക്കള് ഡോളനെ കുറിച്ചുള്ള കൂടുതല് വിശദാംശങ്ങളും പുറത്തു വിട്ടിട്ടില്ല.
ബ്രൈഡല് ലുക്കിലുള്ള ഒരു ചിത്രം ഇല്യാന നേരത്തെ പങ്കുവച്ചിരുന്നു. താരത്തിന്റെ വിവാഹ ദിവസത്തെ ചിത്രങ്ങളാണിതെന്നും റിപ്പോര്ട്ടുകളുണ്ട്. വിവാഹം കഴിഞ്ഞ് 4 ആഴ്ചയ്ക്ക് ശേഷമാണ് ഗര്ഭിണിയാണെന്ന വിവരം ഇല്യാന പങ്കുവച്ചത് എന്നാണ് റിപ്പോര്ട്ടുകള്.