സുശാന്ത് രജ്പുത്തിന്റെ അപ്രതീക്ഷിത വിയോഗത്തില്‍ ഹൃദയം തകര്‍ന്ന് ബോളിവുഡ് ലോകവും ആരാധകരും. പ്രിയപ്പെട്ട സഹതാരത്തിന് വിയോഗത്തെ തുടര്‍ന്ന് വികാരഭരിതമായ കുറിപ്പാണ് നടി അനുഷ്‌ക്ക ശര്‍മ്മ പങ്കുവച്ചിരിക്കുന്നത്.
“”സുശാന്ത്, നിങ്ങള്‍ വളരെ ചെറുപ്പവും ബുദ്ധിമാനും ആയിരുന്നു, ഇത്രയും പെട്ടെന്ന് പോയി. നിങ്ങള്‍ക്ക് ഉണ്ടായ ഒരു പ്രശ്നത്തിലും നിങ്ങളെ സഹായിക്കാന്‍ കഴിയാത്ത ഒരു അന്തരീക്ഷത്തിലാണ് ഞങ്ങള്‍ ജീവിച്ചതെന്നറിഞ്ഞതില്‍ വളരെ സങ്കടമുണ്ട്..”” എന്നാണ് അനുഷ്‌ക്ക സോഷ്യല്‍ മീഡിയയില്‍ കുറിച്ചിരിക്കുന്നത്.
https://www.instagram.com/p/CBaaaKZpybE/?utm_source=ig_embed
ആമിര്‍ ഖാനും അനുഷ്‌ക്കയും കേന്ദ്ര കഥാപാത്രമായെത്തിയ സൂപ്പര്‍ഹിറ്റ് ചിത്രം “പികെ”യില്‍ അതിഥി താരമായാണ് സുശാന്ത് എത്തിയത്. സര്‍ഫരാസ് യൂസുഫ് എന്ന കഥാപാത്രമായാണ് സുശാന്ത് വേഷമിട്ടത്. ചെറിയ വേഷമായിരുന്നെങ്കിലും താരത്തിന്റെ അഭിനയം പ്രേക്ഷശ്രദ്ധയും നിരൂപക ശ്രദ്ധയും ഒരു പോലെ നേടിയിരുന്നു.
ചേതന്‍ ഭഗതിന്റെ “ത്രീ മിസ്റ്റേക്ക്‌സ് ഓഫ് മൈ ലൈഫ്” എന്ന നോവലിന്റെ ചലച്ചിത്രാവിഷ്‌കാരമായ “കായ് പോ ചേ” എന്ന ചിത്രത്തിലൂടെ ബോളിവുഡില്‍ അരങ്ങേറ്റം കുറിച്ചത്. ഈ ചിത്രത്തിലെ അഭിനയത്തിന് മികച്ച നവാഗത നടനുള്ള മൂന്നു അവാര്‍ഡുകളും ലഭിച്ചു. ക്രിക്കറ്റ് താരം എം.എസ്.ധോണിയുടെ ബയോപിക് “എം.എസ്.ധോണി അണ്‍ടോള്‍ഡ് സ്റ്റോറി”യാണ് പ്രധാന ചിത്രം. പികെ, കേദാര്‍നാഥ്, വെല്‍കം ടു ന്യൂയോര്‍ക് എന്നിവയാണ് സുശാന്ത് അഭിനയിച്ച മറ്റു ചിത്രങ്ങള്‍.