കുവൈറ്റിൽ ഞായറാഴ്ച മുതൽ സമ്പൂർണ ലോക്ക് ഡൗൺ പ്രഖ്യാപിച്ചു. വെള്ളിയാഴ്ച ചേർന്ന മന്ത്രിസഭ യോഗത്തിന്റേതാണ് തീരുമാനം. ഗൾഫ് രാജ്യത്ത് കോവിഡ് കേസുകളുടെ എണ്ണം കൂടുന്ന സാഹചര്യത്തിൽ കൊറോണ വൈറസ് വ്യാപിക്കുന്നത് തടയുന്നതിനായാണ് ഞായറാഴ്ച മുതൽ സമ്പൂർണ ലോക്ക് ഡൗൺ നടപ്പാക്കാൻ കുവൈറ്റ് തീരുമാനിച്ചത്.
മേയ് 10 ഞായറാഴ്ച വൈകിട്ട് നാലുമണി മുതൽ മേയ് 30 ശനിയാഴ്ച വരെയാണ് പൂർണ നിയന്ത്രണം. വിശദാംശങ്ങൾ വാർത്താസമ്മേളനത്തിൽ അറിയിക്കുമെന്ന് അധികൃതർ പറഞ്ഞതയാണ് റിപ്പോർട്ട്.