വമ്പന്‍ തിരിച്ചുവരവിനൊരുങ്ങി രാജ്യത്തെ ആദ്യത്തെ ചെലവുകുറഞ്ഞ വിമാനസര്‍വ്വീസായ എയര്‍ഡെക്കാന്‍. തിരിച്ചുവരവിന്റെ ഭാഗമായി ഒരു രൂപയ്ക്ക് വിമാന യാത്ര എന്ന ഓഫറാണ് കമ്പനി മുന്നോട്ടുവച്ചിരിക്കുന്നത്. എന്നാല്‍ ആദ്യം ബുക്ക് ചെയ്യുന്നവര്‍ക്ക് മാത്രമെ ഓഫര്‍ ലഭ്യമാകുകയുള്ളു.
ഡിസംബര്‍ 22 നായിരിക്കും എയര്‍ ഡെക്കാന്റെ രണ്ടാം പറക്കല്‍ ആരംഭിക്കുക. മുംബൈ, ഡല്‍ഹി, കൊല്‍ക്കത്ത, ഷില്ലോങ് എന്നിവിടങ്ങളില്‍ നിന്നായിരിക്കും ആദ്യ സര്‍വ്വീസ്. മുബൈയില്‍ നിന്ന് നാസിക്കിലേക്കായിരിക്കും രണ്ടാം വരവിലെ ആദ്യ യാത്ര.
മലയാളിയായ ക്യാപ്റ്റന്‍ ഗോപിനാഥ് അവതരിപ്പിച്ച എയര്‍ ഡെക്കാന്‍ കടുത്ത സാമ്പത്തിക പ്രതിസന്ധിയെത്തുടര്‍ന്ന് 2008 ല്‍ വിജയ് മല്യയുടെ കിങ്ഫിഷര്‍ കമ്പനി ഏറ്റെടുക്കുകയായിരുന്നു.
കേന്ദ്ര സര്‍ക്കാര്‍ മുമ്പ് നടപ്പാക്കിയ ചെലവു കുറഞ്ഞ വിമാനയാത്ര പദ്ധതിയായ ഉഡാന്‍ സര്‍വ്വീസിന്റെയും സഹകരണത്തോടെ എയര്‍ ഡെക്കാന്‍ തിരിച്ചുകൊണ്ടുവരാനാണ് ക്യാപ്റ്റന്‍ ഗോപിനാഥിന്റെ പദ്ധതി. എന്നാല്‍ ഈ അവസാനശ്രമത്തിലും രക്ഷപ്പെട്ടില്ലെങ്കില്‍ ഈ മേഖലയില്‍ നിന്നുതന്നെ പുറത്തുപോകുമെന്നാണ് ഗോപിനാഥ് പറയുന്നത്.