പുതുതലമുറ ആള്ട്ടോയെ വിപണിയില് അവതരിപ്പിക്കാനുള്ള ഒരുക്കങ്ങള് വേഗത്തിലാക്കി മാരുതി. ഏറ്റവും പുതിയ റിപ്പോര്ട്ട് അനുസരിച്ച് പുതിയ തലമുറ മാരുതി ആള്ട്ടോയുടെ പരീക്ഷണ ഉല്പ്പാദനം 2022 ജൂണ് അവസാനത്തോടെ ആരംഭിക്കുമെന്ന് അറിയുന്നത്.
ജൂലൈ, ഓഗസ്റ്റ് കാലയളവില് ഈ പുതിയ മോഡലിനെ വില്പ്പനയ്ക്ക് എത്തിക്കാനാണ് കമ്പനി പദ്ധതിയിടുന്നത്. പുറത്തുവന്ന പരീക്ഷണ ചിത്രങ്ങളുടെ അടിസ്ഥാനത്തില്, പുതിയ ആള്ട്ടോയ്ക്ക് പഴയ മോഡലിനെക്കാള് കൂടുതല് നീളവും വീതിയും ഉയരവുമുള്ളതായിട്ടാണ് കാണുന്നത്.
സുസുക്കിയുടെ Heartect പ്ലാറ്റ്ഫോമിനെ അടിസ്ഥാനമാക്കിയായിരിക്കും പുതിയ ആള്ട്ടോയും ഒരുങ്ങുന്നത്. ഡിസയര്, വാഗണ്ആര്, എസ്-പ്രസോ, സ്വിഫ്റ്റ് തുടങ്ങിയ മറ്റ് കാറുകളും Heartect പ്ലാറ്റ്ഫോമിനെ അടിസ്ഥാനമാക്കിയുള്ളതാണ്.
പുതിയ മോഡലിന്റെ പരീക്ഷണയോട്ടം ഇതിനോടകം തന്നെ നിരത്തുകളില് ആരംഭിച്ചിട്ടുണ്ട്. പുതിയ ള്ട്ടോയുടെ വിലകള് നിലവിലെ ആള്ട്ടോയുടെ സമാന ശ്രേണിയിലായിരിക്കുമെന്നാണ് പ്രതീക്ഷിക്കുന്നത്.