കൊറോണ കാലത്ത് മകള് റോയക്കൊപ്പമുള്ള ചിത്രം പങ്കുവച്ച് സുരക്ഷിതരാണെന്ന് അറിയിച്ച് നടിയും അവതാരികയുമായ ആര്യ. ചിത്രത്തിനൊപ്പം ആര്യ എഴുതിയ കുറിപ്പിലെ ചില കാര്യങ്ങളാണ് സോഷ്യല് മീഡിയയില് ശ്രദ്ധേയമാകുന്നത്. തന്നെ ചീത്ത വിളിക്കാന് മുന്നിട്ടിറങ്ങിയവരോട് ഒരു അഭ്യര്ഥനയാണ് താരം പങ്കുവച്ചിരിക്കുന്നത്.
ആര്യയുടെ കുറിപ്പ്:
ഞങ്ങളുടെ ക്ഷേമം അന്വേഷിച്ച എല്ലാവരോടുമായി…ഞാനും എന്റെ മകളും നന്നായിരിക്കുന്നു. ഞങ്ങള് വീടിനുള്ളില് തന്നെയാണ്. കഴിഞ്ഞ ഒരാഴ്ച്ചയായി കൊറോണയ്ക്കെതിരേയുള്ള ഞങ്ങളുടെ പോരാട്ടത്തിന്റെ ദിനങ്ങള് ഒന്നിച്ചാഘോഷിക്കുകയാണ്. ഈ സമയവും കടന്നു പോകും. ഇതിനെ നമുക്ക് ഒന്നിച്ച് നേരിടാം. സുരക്ഷിതരായിരിക്കൂ…വീട്ടില് തന്നെയിരിക്കൂ..കഷ്ടപ്പെടുന്നവര്ക്കായി പ്രാര്ഥിക്കൂ..
എല്ലാ വിരോധികളോടുമായി…ദയവായി അപഹസിക്കുന്നതോ, ചീത്ത വിളിക്കുന്നതോ ആയ കമന്റുകള് ഈ പോസ്റ്റില് ഇടരുത്..ഇതില് എന്റെ മകളുണ്ട്. എന്റെ ഇന്ബോക്സില് കയറി നിങ്ങള്ക്കെന്നെ ചീത്ത വിളിക്കാം. എല്ലാ വിമര്ശനങ്ങളും ഇവിടെ സ്വീകരിക്കപ്പെടും…നന്ദി
https://www.instagram.com/p/B-MLdJgpPp4/