ഉപയോക്താക്കൾ കാത്തിരിക്കുന്ന ഫ്ളിപ്കാര്ട്ടിന്റെ ബിഗ് ബില്യണ് ഡേ സെയിൽ ഉടൻ വരുന്നു. വാര്ഷിക വില്പനമേളയുടെ തീയതി ഇതുവരെ പ്രഖ്യാപിച്ചില്ലെങ്കിലും ഒക്ടോബര് ഒന്ന് മുതല് പ്രധാന ഡീലുകള് ഫ്ളിപ്കാര്ട്ട് പുറത്തുവിടും. വില്പനമേളയുടെ പ്രത്യേക ടീസറുകൾ ഇതിനോടകം തന്നെ പേജുകളിൽ എത്തിക്കഴിഞ്ഞു. കഴിഞ്ഞ വര്ഷത്തെ പോലെ ഇത്തവണയും ഐഫോണ് മോഡലുകള്ക്ക് ആകര്ഷകമായ ഓഫറുകള് പ്രതീക്ഷിക്കാം.
ഇന്റല് ഇവോയുമായി സഹകരിച്ചാണ് ഇത്തവണത്തെ വില്പനമേള. അതിനാൽ തന്നെ ഇന്റല് പ്രൊസസറുകളോടെയെത്തുന്ന ലാപ്ടോപ്പുകള്ക്ക് മികച്ച ഡീലുകള് ഇത്തവണ പ്രതീക്ഷിക്കാം. ഐഫോണുകളുമായി ബന്ധപ്പെട്ട ഡീലുകള് ഒക്ടോബര് ഒന്നിന് തന്നെ പുറത്തുവിടും. ഒക്ടോബര് മൂന്നിന് സാസംങ് ഡീലുകളും, ഒക്ടോബര് നാലിന് പോകോ ഡീലുകളും റിയൽമി ഡീലുകളും ഡിസ്കൗണ്ടുകളും പുറത്തുവിടും.
ഇലക്ട്രോണിക്സ്, ആക്സറീസ് എന്നിവയ്ക്ക് 50 മുതല് 80 ശതമാനം വരെ വിലക്കിഴിവുണ്ടാവുമെന്നാണ് ഫ്ളിപ്കാര്ട്ടിന്റെ പ്രഖ്യാപനം. ടിവിയ്ക്കും മറ്റ് ഗൃഹോപകരണങ്ങള്ക്കും 80 ശതമാനം കിഴിവുണ്ടാവും. ഫാഷന് ഉല്പന്നങ്ങള്ക്ക് 60-90 ശതമാനം വരെ വിലക്കിഴിവുണ്ടാവും.
ബ്യൂട്ടി, കായിക ഉല്പന്നങ്ങള്ക്ക് 60 മുതല് 80 ശതമാനം വരെ കിഴിവുണ്ടാവും. ഫര്ണിച്ചറുകള്ക്ക് 85 ശതമാനം വരെ കിഴിവും ഫ്ളിപ്കാര്ട്ട് ഒറിജിനല്സ് ഉല്പന്നങ്ങള്ക്ക് 60 ശതമാനം വരെ കിഴിവും ഫ്ളിപ്കാര്ട്ട് പ്രഖ്യാപിച്ചിട്ടുണ്ട്.