അർജുന അവാർഡ് ജേതാവും ആറ് ദേശീയ കിരീട ജേതാവുമായ ഇതിഹാസ സ്ക്വാഷ് താരം രാജ് മഞ്ചന്ദ ഞായറാഴ്ച അന്തരിച്ചതായി അദ്ദേഹത്തിൻ്റെ അടുത്ത വൃത്തങ്ങൾ അറിയിച്ചു. 79 വയസ്സായിരുന്നു. ഇന്ത്യൻ സ്ക്വാഷ് സാഹോദര്യത്തിലെ ഏറ്റവും തിരിച്ചറിയാവുന്ന മുഖങ്ങളിലൊന്നായ മഞ്ചന്ദ, 1977 മുതൽ 1982 വരെ ദേശീയ ചാമ്പ്യനായിരുന്നു. കൂടാതെ അഭൂതപൂർവമായ 11 കിരീടങ്ങൾ അദ്ദേഹം തന്റെ കരിയറിൽ നേടി.
ഈ കാലയളവിൽ അദ്ദേഹം ഏഷ്യൻ ചാമ്പ്യൻഷിപ്പുകളിലും ലോകതല ടൂർണമെൻ്റുകളിലും ഇന്ത്യയെ പ്രതിനിധാനം ചെയ്തു. 1983ൽ മഞ്ചന്ദക്ക് അർജുന അവാർഡ് ലഭിച്ചു. ഇന്ത്യൻ ആർമിയുടെ ഇലക്ട്രിക്കൽ ആൻഡ് മെക്കാനിക്കൽ എഞ്ചിനീയർ കോർപ്സിൻ്റെ (ഇഎംഇ) ക്യാപ്റ്റനായിരുന്നപ്പോൾ, 33-ാം വയസ്സിൽ തൻ്റെ ആദ്യ ദേശീയ കിരീടം നേടി. 1981-ൽ, ഏഷ്യൻ ചാമ്പ്യൻഷിപ്പിൽ, 1980-കളിൽ ലോക വേദിയിൽ ആധിപത്യം സ്ഥാപിക്കാൻ പോകുന്ന ഇതിഹാസ താരം ജഹാംഗീർ ഖാനെ അദ്ദേഹം നേരിട്ടു.
1981 ൽ കറാച്ചിയിൽ നടന്ന ഏഷ്യൻ ടീം ചാമ്പ്യൻഷിപ്പിൽ രാജ്യം വെള്ളി നേടിയപ്പോൾ ഉൾപ്പെടെ നിരവധി അവസരങ്ങളിൽ അദ്ദേഹം ഇന്ത്യൻ ടീമിനെ നയിച്ചു. 1984-ൽ ജോർദാനിൽ നടന്ന ഏഷ്യൻ ചാമ്പ്യൻഷിപ്പിൽ നാലാം സ്ഥാനം നേടിയതാണ് അദ്ദേഹത്തിൻ്റെ ഏറ്റവും മികച്ച വ്യക്തിഗത പ്രകടനം. അവിടെ അദ്ദേഹത്തിൻ്റെ നേതൃത്വത്തിലുള്ള ടീം വെങ്കല മെഡൽ നേടി.