പി ആർ ശ്രീജിഷ്- ഈ മലയാളി താരത്തിന് നമ്മൾ കൊടുക്കുന്ന അഭിനന്ദനങ്ങൾ എത്രയോ കുറവാണ്. മലയാളി താരം ആയിരുന്നിട്ടും ഇന്ത്യൻ ഹോക്കിയിൽ ഇതിഹാസം ആയിരുന്നിട്ടും കൂടി സോഷ്യൽ മീഡിയയിൽ വാഴ്ത്തുപാട്ടുകൾ എത്രയോ കുറവാണ് എന്ന് നമുക്ക് മനസിലാക്കും. എന്നാൽ അയാൾക്ക് അതൊന്നും ഒരു വിഷയം ഇല്ല. കാലാകാലങ്ങളായി താൻ ചെയ്യുന്ന ജോലി കൂട്ടുത്തൽ ഭംഗിയായി അയാൾ ചെയ്യുന്നു. എന്തായാലും തന്റെ അവസാന ഒളിമ്പിക്സ് ടൂർണമെന്റ് കളിക്കുന്ന ശ്രീജേഷിന്റെ അസാദ്യ മികവിൽ ഇന്ത്യ ബ്രിട്ടനെ തകർത്തെറിഞ്ഞ് സെമിഫൈനലിന് യോഗ്യത നേടിയിരിക്കുകയാണ്.
നിശ്ചിത സമയത്ത് ഇരുടീമുകളും ഓരോ ഗോൾ വീതം നേടിയ മത്സരത്തിൽ പെനാൽറ്റി ഷൂട്ടൗട്ടിലാണ് ഇന്ത്യ ജയിച്ചുകയറിയത്. ഹോക്കിയിൽ മികച്ച ടീമുകളിൽ ഒന്നായ ബ്രിട്ടൻ ഇന്ത്യക്ക് എതിരെ മികച്ച പ്രകടനമാണ് കാഴ്ചവെച്ചത് . ആക്രമണ മത്സരം കളിക്കുന്ന ടീമിന് എതിരെ ഇന്ത്യ പ്രതിരോധ സമീപനം സ്വീകരിച്ചാണ് കളിച്ചത്.
അതിനാൽ തന്നെ മലയാളി ഗോൾകീപ്പർ ശ്രീജേഷിന് പിടിപ്പത് പണി ആയിരുന്നു ഉണ്ടായിരുന്നത്. അതെല്ലാം ഭംഗി ആയി ചെയ്ത താരം പെനാൽറ്റിയിൽ ഇന്ത്യക്ക് രക്ഷകനായി. ഇന്ത്യ തങ്ങൾക്ക് കിട്ടിയ 4 അവസരങ്ങളും ഗോൾ ആക്കിയപ്പോൾ ബ്രിട്ടന് രണ്ടെണ്ണം മാത്രമാണ് ലക്ഷ്യത്തിൽ എത്തിക്കാൻ സാധിച്ചത്. അതിലെ ബ്രിട്ടന്റെ അവസാന കിക്ക് ശ്രീജേഷ് സേവ് ചെയ്ത രീതി ലോകോത്തരമായിരുന്നു എന്ന് പറയാം.
സെമിഫൈനലിൽ അർജന്റീനയോ ജർമനിയോ ആയിരിക്കും ഇന്ത്യയുടെ എതിരാളികൾ.
