2023 ഓസ്ട്രേലിയ ഓപ്പണ് ബാഡ്മിന്റണ് ടൂര്ണമെന്റില് നിന്ന് ഇന്ത്യയുടെ കിരീടപ്രതീക്ഷയായിരുന്ന പി.വി സിന്ധു പുറത്ത്. ക്വാര്ട്ടറില് അമേരിക്കയുടെ ലോക 12-ാം നമ്പര് താരമായ ബെയ്വെന് ഷാങ്ങാണ് സിന്ധുവിനെ പരാജയപ്പെടുത്തിയത്.
നാലാം ഓസ്ട്രേലിയ ഓപ്പണ് സെമി ഫൈനല് ലക്ഷ്യമിട്ട് കളിക്കാനിറങ്ങിയ സിന്ധുവിനെ ഷാങ് നേരിട്ടുള്ള ഗെയിമുകള്ക്ക് പരാജയപ്പെടുത്തി. വെറും 39 മിനിറ്റുകൊണ്ട് മത്സരം അവസാനിച്ചു. സ്കോര്: 12-21, 17-21.
അതേസമയം പുരുഷ സിംഗിള്സില് ഇന്ത്യയുടെ പ്രിയാന്ഷു രജാവത്ത് അപ്രതീക്ഷിത കുതിപ്പിലൂടെ സെമിയിലെത്തി. ക്വാര്ട്ടറില് ഇന്ത്യയുടെ തന്നെ കിഡംബി ശ്രീകാന്തിനെ അട്ടിമറിച്ചാണ് രജാവത്ത് അവസാന നാലിലെത്തിയത്. നേരിട്ടുള്ള ഗെയിമുകള്ക്കാണ് രജാവത്തിന്റെ വിജയം. സ്കോര്: 21-13, 21-8.
മറ്റൊരു ക്വാര്ട്ടര് ഫൈനലില് ഇന്ത്യയുടെ മലയാളി താരം പ്രണോയ് മത്സരിക്കും. വിജയിച്ചാല് പ്രണോയിയും രജാവത്തും സെമിയില് ഏറ്റുമുട്ടും.