ഫുട്ബാളിൽ കോടികണക്കിന് ജനങ്ങൾക്ക് പ്രചോദനമായ താരമാണ് പോർച്ചുഗൽ ഇതിഹാസം ക്രിസ്റ്റ്യാനോ റൊണാൾഡോ. രാജ്യാന്തര മത്സരങ്ങളിൽ മാത്രമല്ല ക്ലബ് ലെവലിലും നിലവിൽ ഗംഭീര പ്രകടനമാണ് താരം ഇപ്പോൾ നടത്തുന്നതും. തന്റെ കരിയറിന്റെ അവസാന ഘട്ടത്തിലെ മത്സരങ്ങൾ അദ്ദേഹം ഇപ്പോൾ ആസ്വദിക്കുകയാണ്. ഈ കലണ്ടർ വർഷം 37 ഗോളുകൾ റൊണാൾഡോ നേടിയിട്ടുണ്ട്. ഏറ്റവും ഒടുവിൽ പോളണ്ടിനെതിരെ കളിച്ച മത്സരത്തിൽ റൊണാൾഡോ രണ്ടു ഗോളുകളും ഒരു അസിസ്റ്റുമായിരുന്നു സ്വന്തമാക്കിയിരുന്നത്.
സൂപ്പർ താരം ക്രിസ്റ്റ്യാനോ റൊണാൾഡോയുടെ യൂട്യൂബ് ചാനലിന് വലിയ സ്വീകാര്യതയാണ് ആരാധകർക്കിടയിൽ ലഭിച്ചത്. പല റെക്കോർഡുകളും അദ്ദേഹത്തിന്റെ യൂട്യൂബ് ചാനൽ വഴി തകർത്ത് നേടിയിരുന്നു. ഇപ്പോഴിതാ യൂട്യൂബിന്റെ ചരിത്രത്തിൽ ഏറ്റവും കൂടുതൽ സബ്സ്ക്രൈബേർസ് ഉള്ള വ്യക്തിയായ മിസ്റ്റർ ബീസ്റ്റിനെ താരം കൊണ്ട് വന്നിരിക്കുകയാണ്.
അവരുടെ സംഭാഷണ വിഡിയോയിൽ മിസ്റ്റർ ബീസ്റ്റിനോട് റൊണാൾഡോ ഒരു ചോദ്യം ചോദിക്കുന്നുണ്ട്. യൂട്യൂബ് സബ്സ്ക്രൈബേഴ്സിന്റെ കാര്യത്തിൽ ഞാൻ നിങ്ങളെ തോൽപ്പിക്കുമെന്ന് തോന്നുന്നുണ്ടോ എന്നായിരുന്നു റൊണാൾഡോയുടെ ചോദ്യം. ഉടൻ തന്നെ ഇല്ല എന്ന മറുപടിയാണ് അദ്ദേഹം റൊണാൾഡോയ്ക്ക് നൽകിയത്.
നിലവിൽ 331 മില്യൺ സബ്സ്ക്രൈബേർസ് ആണ് മിസ്റ്റർ ബീസ്റ്റിനുള്ളത്. റൊണാൾഡോയുടെ അടുത്ത അതിഥി ഇന്റർനെറ്റിനെ തകർത്തു കളയും എന്നായിരുന്നു റൊണാൾഡോ പ്രഖ്യാപിച്ചിരുന്നത്. തുടർന്നാണ് ആ വ്യക്തി മിസ്റ്റർ ബീസ്റ്റാണ് എന്ന് മനസ്സിലായത്.