ക്രിസ്റ്റ്യാനോ റൊണാൾഡോയെ കബളിപ്പിച്ചാണ് അൽ നാസർ അദ്ദേഹത്തെ ടീമിൽ എത്തിച്ചതെന്ന് പറയുകയാണ് ബാഴ്‌സ ഇതിഹാസം റിവാൾഡോ. റൊണാൾഡോയെ പോലെ ഒരു സൂപ്പർ താരത്തെ എത്തിക്കുന്നത് അവരുടെ ആവശ്യം ആയിരുന്നു എന്നും എന്നാൽ യാതൊരു ഉപകാരവും അതുകൊണ്ട് ഉണ്ടായില്ലെന്നും ഒരുപാട് പണം കൊടുത്ത് അയാളെ എടുക്കുക ആയിരുന്നു എന്നും റിവാൾഡോ പറയുന്നു. ഇപ്പോൾ റൊണാൾഡോക്ക് അത് മനസിലാകുന്നുണ്ടെന്നും അയാൾ സൗദി മടുത്തെന്നും പറയുന്ന റിവാൾഡോ സൗദിയിലെ ഏതെങ്കിലും ക്ലബ്ബിലേക്ക് ചേക്കേറാൻ ഇരിക്കുന്ന മെസിയോട് സൂക്ഷിക്കാനും പറയുന്നു.
വൻ തുക ഓഫറുകൾ നൽകി മിഡിൽ ഈസ്റ്റിലേക്ക് മാറാൻ കളിക്കാർ വഞ്ചിതരാകുകയാണെന്ന് റിവാൾഡോ എഎസിനോട് പറഞ്ഞു, റൊണാൾഡോയെ ചൂണ്ടിക്കാട്ടി അദ്ദേഹം പറഞ്ഞത് ഇങ്ങനെ “സൗദി അറേബ്യയിൽ അവർ ഒപ്പുവെക്കുന്ന വലിയ കരാറിൽ ചിലപ്പോഴൊക്കെ കളിക്കാർ കബളിപ്പിക്കപ്പെടുമെന്ന് ഞാൻ മനസ്സിലാക്കുന്നു, എന്നാൽ പിന്നീട് അവിടെ ജീവിതം കൂടുതൽ അടഞ്ഞുകിടക്കുന്നു, ഫുട്ബോൾ എല്ലായ്പ്പോഴും പ്രതീക്ഷിച്ചത്ര എളുപ്പമല്ല. അതിനാൽ, നിങ്ങൾ നിരാശയുടെ ഒരു ഘട്ടത്തിലൂടെ കടന്നുപോകാം. അവർക്ക് കിട്ടുന്ന വലിയ പ്രതിഫലത്തിൽ അധികം സന്തോഷം അവർക്ക് തോന്നില്ല ഇപ്പോൾ.”
മെസ്സി സൗദി അറേബ്യയിലേക്കുള്ള നീക്കവുമായി ബന്ധപ്പെട്ടതോടെ റിവാൾഡോ മുൻ ബാഴ്‌സലോണ താരത്തിന് മുന്നറിയിപ്പ് നൽകി. അദ്ദേഹം കൂട്ടിച്ചേർത്തു “ഇത് എല്ലാ കളിക്കാർക്കും സംഭവിക്കും, ഉടൻ തന്നെ മെസി ഇതിന് സാക്ഷ്യം വഹിക്കാൻ പോവുകയാണ് . ക്രിസ്റ്റ്യാനോ റൊണാൾഡോ തന്റെ കരിയർ അവസാനിപ്പിക്കാൻ റയൽ മാഡ്രിഡിലേക്ക് മടങ്ങുന്നതാണ് നല്ലത്. അതായിരിക്കും അദ്ദേഹത്തിന് കൂടുതൽ അഭികാമ്യം എന്ന് തോന്നുന്നു.”