കേരളാ ബ്ലാസ്റ്റേഴ്‌സ് ഗോള്‍ കീപ്പര്‍ സച്ചിന്‍ സുരേഷ് വരും മത്സരങ്ങളില്‍ കളിക്കില്ല. കേരളാ ബ്ലാസ്റ്റേഴ്‌സ് ക്ലബ് അധികൃതരാണ് ഇക്കാര്യം അറിയിച്ചത്. തോളിനേറ്റ പരിക്കിനെ തുടര്‍ന്നാണ് സച്ചിന്‍ സുരേഷിന് വിശ്രമം നല്‍കുന്നത്.
എത്ര മത്സരത്തില്‍ താരത്തിന് പുറത്തിരിക്കേണ്ടി വരുമെന്നതില്‍ വ്യക്തതയില്ല. ചെന്നൈന്‍ എഫ് സിക്കെതിരായ കഴിഞ്ഞ മത്സരത്തിലാണ് ബ്ലാസ്റ്റേഴ്‌സ് കീപ്പര്‍ സച്ചിന്‍ സുരേഷിന്റെ തോളിന് പരിക്കേറ്റത്.
കഴിഞ്ഞ മത്സരത്തില്‍ താരത്തിന് പരിക്കേറ്റപ്പോള്‍ കരണ്‍ജിത്ത് സിംഗ് പകരക്കാരനായി വലകാത്തത്. ലാറാ ശര്‍മ്മയാണ് ബ്ലാസ്റ്റേഴ്‌സിന്റെ മറ്റൊരു ഗോള്‍ കീപ്പര്‍.
സീസണില്‍ ഇതുവരെയുള്ള മുഴുവന്‍ മത്സരങ്ങളിലും ബ്ലാസ്റ്റേഴ്‌സിനായി വലകാത്തത് സച്ചിനായിരുന്നു. ഫെബ്രുവരി 25ന് എഫ്‌സി ഗോവയ്‌ക്കെതിരെയാണ് ബ്ലാസ്റ്റേഴ്‌സിന്റെ അടുത്ത മത്സരം. കൊച്ചിയാണ് വേദി.
