നിലവിൽ വളരെ മോശമായ സമയത്തിലൂടെയാണ് മാഞ്ചസ്റ്റർ സിറ്റി ഇപ്പോൾ കടന്നു പോകുന്നത്. അവസാനം കളിച്ച ആറ് മത്സരങ്ങളിൽ അഞ്ചെണ്ണത്തിൽ അവർ പരാജയപ്പെടുകയും, ഒരെണ്ണം സമനിലയിൽ അവസാനിക്കുകയും ചെയ്തു. നിലവിൽ പ്രീമിയർ ലീഗ് പോയിന്റ് പട്ടികയിൽ മൂന്നാം സ്ഥാനത്താണ് മാഞ്ചസ്റ്റർ സിറ്റി ഉള്ളത്. ഒന്നാം സ്ഥാനക്കാരായ ലിവർപൂളുമായി 8 പോയിന്റിന്റെ വ്യത്യാസം ആണ് ഉള്ളത്.
ആഴ്സണൽ അഞ്ചാം സ്ഥാനത്താണ് ഉള്ളത്. മാഞ്ചസ്റ്റർ സിറ്റിയുമായി ഒരു പോയിന്റിന്റെ വ്യത്യാസം മാത്രമേ അവർക്കുള്ളു. എന്നാൽ മാഞ്ചസ്റ്റർ സിറ്റിയെ എഴുതിത്തള്ളാൻ ആഴ്സണലിന്റെ പരിശീലകനായ ആർടെറ്റ സാധ്യമല്ല. ടീമിനെ കുറിച്ച് അദ്ദേഹം സംസാരിച്ചു.
ആർടെറ്റ പറയുന്നത് ഇങ്ങനെ:
“കഴിഞ്ഞ 9 വർഷമായി അവർ ചെയ്ത കാര്യങ്ങൾ മറക്കാൻ പാടില്ല. 9 വർഷത്തോളം സ്ഥിരത പുലർത്തുക എന്നത് വളരെ ബുദ്ധിമുട്ടുള്ള ഒരു കാര്യമാണ്. തീർച്ചയായും ഇത്തരം ബുദ്ധിമുട്ടേറിയ സമയം എല്ലാവർക്കും ഉണ്ടാകും. അവരെ സംബന്ധിച്ചിടത്തോളം ഇത് വളരെ വിചിത്രമാണ്. കാരണം 9 വർഷത്തോളം അവർക്ക് ഇത് അനുഭവിക്കേണ്ടി വന്നിട്ടില്ല”
ആർടെറ്റ തുടർന്നു:
“ഞങ്ങൾക്ക് പെർഫെക്ട് ആയിക്കൊണ്ട് മുന്നോട്ട് പോകേണ്ടതുണ്ട്. മാഞ്ചസ്റ്റർ സിറ്റിയെ ഒരിക്കലും എഴുതി തള്ളാൻ കഴിയില്ല. പെപ്പിന്റെ കാര്യത്തിൽ എനിക്ക് സഹതാപമുണ്ട്. ഇത്തരം അവസ്ഥ അഭിമുഖീകരിക്കുന്ന ലോകത്തെ എല്ലാ മാനേജർമാരുടെ കാര്യത്തിലും എനിക്ക് സഹതാപമുണ്ട്. കാരണം ഈ ജോലിയുടെ ബുദ്ധിമുട്ട് എനിക്കറിയാം ” ഇതാണ് ആർടെറ്റ പറഞ്ഞിട്ടുള്ളത്.