തിങ്കളാഴ്ച ഇൻ്റർ മയാമി സൂപ്പർ താരം കൂടിയായ ലയണൽ മെസി അർജൻ്റീനിയൻ ഇതിഹാസം മറഡോണയെ ഓർത്തെടുത്തത് ഫുട്ബോൾ ലോകത്ത് ചർച്ചയായി. 1986 ൽ മെക്സിക്കോയിൽ അർജൻ്റീനയുടെ വിജയത്തിന് ശേഷം ലോകകപ്പ് ട്രോഫി ഉയർത്തിപ്പിടിച്ച് നിൽക്കുന്ന ഇതിഹാസ മനുഷ്യൻ്റെ ഫോട്ടോ സഹിതം അദ്ദേഹം തൻ്റെ 504 ദശലക്ഷം ഫോളോവേഴ്സിന് ഇൻസ്റ്റാഗ്രാം സ്റ്റോറികളിൽ “എറ്റേണൽ” എന്ന ലളിതമായ വാക്യത്തോടെ സന്ദേശം പോസ്റ്റ് ചെയ്തു.
അറുപതാം വയസ്സിൽ മറഡോണ മരിച്ചിട്ട് നാല് വർഷം തികയുകയാണ്. ബ്യൂണസ് ഐറിസിലെ വസതിയിൽ ഹൃദയാഘാതത്തെ തുടർന്നാണ് മറഡോണ മരണപ്പെട്ടത്. ഒരു യഥാർത്ഥ ഇതിഹാസത്തിന്റെ വിയോഗത്തിൽ രാജ്യം ദുഖിച്ചപ്പോൾ അർജൻ്റീന അന്ന് മൂന്ന് ദിവസത്തെ ദുഃഖാചരണം പ്രഖ്യാപിച്ചു.
മറഡോണ അർജൻ്റീനയെ അവരുടെ രണ്ടാം ലോകകപ്പ് വിജയത്തിലേക്ക് നയിച്ചത്തിന് ശേഷം മെസിയാണ് ആൽബിസെലെസ്റ്റെയെ അടുത്ത ലോകകപ്പ് നേടി കൊടുക്കാൻ സഹായിച്ചത്. മറഡോണക്ക് ശേഷം അവരുടെ അടുത്ത വിജയത്തിനായി 2022 വരെ കാത്തിരിക്കേണ്ടി വന്നു. അടുത്തതായി 2026 ലോകകപ്പിനായി അർജൻ്റീന ആരാധകർ ഉറ്റുനോക്കുന്നു. ടൂർണമെൻ്റിൽ മെസി ടീമിനെ നയിക്കാൻ തുടരുമെന്ന് പ്രതീക്ഷിക്കുന്നു.