ഇന്ത്യൻ സൂപ്പർ ലീഗിൽ നാളെ കേരള ബ്ലാസ്റ്റേഴ്‌സ് എഫ്സിയും മോഹൻ ബഗാൻ സൂപ്പർ ജയന്റസും തമ്മിലുളള മത്സരമാണ് നടക്കാൻ പോകുന്നത്. പ്ലേയ് ഓഫ് സാധ്യത നിലനിർത്താൻ ബ്ലാസ്റ്റേഴ്സിന് വിജയം അനിവാര്യമാണ്. 24 പോയിന്റുകളുമായി എട്ടാം സ്ഥാനത്താണ് കേരള ബ്ലാസ്റ്റേഴ്‌സ് നിൽക്കുന്നത്. നാളെ നടക്കാൻ പോകുന്ന മത്സരത്തിൽ കണികൾക്കുളള നിർദേശം പുറത്തിറക്കിയിരിക്കുകയാണ് ഐഎസ്എൽ അധികൃതർ.
ശനിയാഴ്ച (15/02/25) സ്റ്റേഡിയം പരിസരത്ത് പൊതു പാർക്കിംഗ് ഉണ്ടായിരിക്കില്ല. മോഹൻ ബഗാൻ സൂപ്പർ ജയന്റസിനെതിരായ മാച്ച് കാണുവാൻ എത്തുന്നവർ മറ്റ് പാർക്കിംഗ് സൗകര്യങ്ങൾ കണ്ടെത്താനോ പൊതുഗതാഗതം ഉപയോഗിക്കാനോ അറിയിക്കുന്നു.
ഇതൊരു താൽക്കാലിക നിയന്ത്രണം മാത്രമാണ്, അതിനാൽ വരുന്നവർ സമീപത്തുള്ള ഓഫ്-സൈറ്റ് പാർക്കിംഗ് സൗകര്യങ്ങൾ പരിഗണിക്കാൻ അഭ്യർത്ഥിക്കുന്നു.
