ഞായറാഴ്ച (ഫെബ്രുവരി 5) സെവിയ്യയെ തോൽപ്പിച്ച് ബാഴ്‌സലോണ 2022-23 ലാ ലിഗ ടേബിളിൽ ഒന്നാം സ്ഥാനത്തെത്തി. ഈ ഫലത്തിന്റെ സന്തോഷത്തോടൊപ്പം മല്ലോർക്കയോടുള്ള റയൽ മാഡ്രിഡിന്റെ തോൽവി കൂടി ആയപ്പോൾ ഒന്നാം സ്ഥാനത്ത് 8 പോയിന്റ് ലീഡിൽ സുരക്ഷിതമായി ഇരിക്കാനും ടീമിന് സാധിച്ചു എന്നത് സന്തോഷം നൽകുന്ന കാര്യമാണ്.
സെവിയ്യയ്‌ക്കെതിരെ, മൂന്ന് ഗോളിന്റെ മികച്ച ജയമാണ് ബാഴ്‌സയ്ക്ക് കിട്ടിയത്. 8 പോയിന്റ് ലീഡ് എന്നത് സുരക്ഷിത ലീഡ് ആയി പറയാമെങ്കിലും താൻ അങ്ങനെ കരുതുന്നില്ല എന്നും എപ്പോൾ വേണമെങ്കിലും തിരിച്ചുവരാൻ റയലിന് പറ്റുമെന്ന് തനിക്ക് അറിയാമെന്നുമാണ് സാവി പറയുന്നത്.
“അവർ [റയൽ മാഡ്രിഡ്] ഇപ്പോഴും പ്രിയപ്പെട്ടവരാണ്, കാരണം അവർ നിലവിലെ ലാ ലിഗ, ചാമ്പ്യൻസ് ലീഗ് ചാമ്പ്യന്മാരാണ്. ഞാൻ ഞങ്ങളെ പ്രിയപ്പെട്ടവരായി കാണുന്നില്ല, സ്ഥാനാർത്ഥികളായാണ് ഞാൻ കാണുന്നത്. റയൽ മാഡ്രിഡ് അവസാനം വരെ മത്സരത്തിൽ തുടരുമെന്ന് എനിക്കറിയാം, ഞങ്ങൾക്കറിയാം. ചരിത്രപരമായ തിരിച്ചുവരവുകൾ ഉണ്ടായിട്ടുണ്ട്, എന്നാലും ഞങ്ങൾ ഇപ്പോൾ നല്ല ഒരു സ്ഥാനത്ത് ഇരിക്കുന്നതിൽ സന്തോഷം.”
