ഇക്വഡോർ ഇൻ്റർനാഷണൽ ഫുട്ബോൾ താരം മാർക്കോ അംഗുലോ ഒരു കാർ അപകടത്തിൽ മരണപ്പെട്ടു. ഗുരുതരമായി പരിക്കേറ്റ് ഒരു മാസത്തിന് ശേഷം 22 വയസ്സുള്ളപ്പോൾ മരിച്ചുവെന്ന് ഇക്വഡോർ ഫുട്ബോൾ ഫെഡറേഷൻ ചൊവ്വാഴ്ച അറിയിച്ചു. ഒക്ടോബർ 7-ന് ആംഗുലോ ഒരു വാഹനാപകടത്തിൽ പെട്ടിരുന്നു. അത് അദ്ദേഹത്തിൻ്റെ മുൻ യൂത്ത് ടീം അംഗമായ റോബർട്ടോ കാബെസാസിൻ്റെ മരണത്തിനും കാരണമായി.
തലയ്ക്ക് ക്ഷതവും ശ്വാസകോശ സംബന്ധമായ തകരാറും ഏറ്റ അംഗുലോ ഒരാഴ്ചത്തെ തീവ്രപരിചരണത്തിന് ശേഷം തിങ്കളാഴ്ച രാത്രി ക്വിറ്റോയിലെ ആശുപത്രിയിൽ മരണപ്പെടുകയായിരുന്നു. എംഎൽഎസ് ടീമായ സിൻസിനാറ്റിയിൽ നിന്ന് ലോണിൽ മാർച്ച് മുതൽ ഇക്വഡോറിയൻ ലീഗ് ചാമ്പ്യന്മാരായ എൽഡിയു ക്വിറ്റോയ്ക്കായി ആംഗുലോ കളിക്കുകയായിരുന്നു. 2022-ൽ തെക്കേ അമേരിക്കൻ രാജ്യത്തിനായി സീനിയർ അരങ്ങേറ്റം കുറിച്ച അംഗുലോ രണ്ട് ക്യാപ്സ് നേടി.
“ല ട്രൈയുടെ മുൻ കളിക്കാരൻ, എല്ലാ അവസരങ്ങളിലും പ്രതിഭയോടും അർപ്പണബോധത്തോടും കൂടി നമ്മുടെ രാജ്യത്തിൻ്റെ നിറങ്ങൾ സംരക്ഷിച്ചു. മാർക്കോ ഒരു മികച്ച കളിക്കാരൻ മാത്രമല്ല മികച്ച സഹതാരം കൂടിയായിരുന്നു.” ഇക്വഡോറിയൻ എഫ്എ ചൊവ്വാഴ്ച പറഞ്ഞു. ഭർത്താവും പിതാവും സഹോദരനും മകനും സുഹൃത്തും സഹപ്രവർത്തകനുമായ മാർക്കോയുടെ നഷ്ടത്തിൽ ഞങ്ങൾക്ക് അതിയായ ദുഃഖമുണ്ട്. താൻ പ്രവേശിച്ച എല്ലാ മുറികളിലും പ്രകാശം പരത്തുന്ന സന്തോഷവാനായ ദയയുള്ള യുവാവായിരുന്നു അദ്ദേഹം,” സിൻസിനാറ്റി പ്രസ്താവനയിൽ പറഞ്ഞു.
മാർക്കോയ്ക്ക് ഭാര്യയും ചെറിയ മകനുമുണ്ട്. അദ്ദേഹത്തിന് 22 വയസ്സായിരുന്നു. അപകടത്തിൽ വാഹനത്തിലുണ്ടായിരുന്ന അഞ്ചുപേരിൽ അംഗുലോ ഉൾപ്പെടെ മൂന്ന് പേർ മരിച്ചതായി ഇക്വഡോർ മാധ്യമങ്ങൾ റിപ്പോർട്ട് ചെയ്യുന്നു.